Ab’orubaju oruhakani bashohora ahagati y’okushutama-Paramenti

293
0
SHARE

Sipiika w’ishengyero, Jacob Oulanyah  yayongyezayo okushutama kwa paramenti  kuhitsya nyencakare Orwakashatu ebiro 29/9/2021 kutandika na shaaha 8 z’eihangwe.

Eki kiijaho bwanyima y’abanyeishengyero ab’orubaju oruhakaani  abaaba beebemeirwe Mukuru w’orubaju oruhakani, Mathias Mpuuga kushohora omu paramenti  obwo barikwesharingira eki bayeeta okutuntuuzibwa kwa batahi baabo abagarukire bakakwatwa ab’eby’okwerinda .

Kooti eizooba rya nyomwabazyo erekwire Muhammad Ssegirinya orikujwekyera Kawempe North hamwe na Allan Ssewanyana owa Makindye West owabaire areekwirwe aha rwakaana wiiki ehwaire, beitu aba bagarukire bakwatwa ab’eby’okwerinda ahanyima y’eshaaha nkye baarekwirwe kuruga omu kihome.

Ababiri aba nibamwe ah’abantu 19 abarikujunanwa emanja z’obwitsi, okwenda kwita, okurya omu ihanga orukwe, okwenda kuretaho obwesharingo n’endiijo manja.

LEAVE A REPLY