Cheptegei kukuza entaranta z’abasingwire emidaari omuri Serbia

200
0
SHARE

N’ebya Aloysius Byamukama

Abairuki abaagarukire omu ihanga n’obusinguzi bw’amaani kuruga omururembo Belgrade omu ihanga rya Buraaya erya Serbia omumpaka z’amashomero ga siniya omunsi yoona ez’ab’ahansi y’emyaka 15 nibaija kutunga okutendekwa kw’omutaano omubakuru omuby’emizaano hamwe n’abandi abarikukwatwaho barikugumizamu n’okubatunguura.

N’obu Jacentah Katushabe owa mita 400, Brighton Galiwango, Wycliff Birungi, Matthew Kisakye na Lionel Agaba aba Basketball barikuza kugumizamu barikutendekyerwa omuri Kampala, abanyamizaano 4 kuruga omuri Kween; Brenda Chekwemoi, Loice Chekwemoi, Victor Cherotich na Levi Kituri nabo nibaija kureebererwa omumuringo gw’omutaano kuruga omubarikwebembera eby’emizaano owaabo

Oraabe ayebembeire okukuza entaranta n’omwebembezi w’ishaza rya Kwee, William Chemonges,  ahi abairuki aba boona barikuruga kandi hoona ogumize ngu abaana abanibetaaga kureebererwa kurungi kwenda ngu barugyemu abasinguzi b’emidaari aharurengo rw’ensi yoona omubiro by’omumaisho.

“Ninyija kureebeka ngu orubaju orw’eby’emizaano omu disiturikiti hamwe naanye, twaguma nitubafaho munonga hamwe n’abandi banyamizaano boona omu disiturikiti ahabw’okuba twine kwegaita tukabakuza bakarugamu abantu b’omutaano omubiro by’omumaisho,” nikwo Chemonges arikugira.  

Aba, nk’omucwe gw’owaabo, baayakiirwa omuka eriizooba obwo abatuuzi barikuteera enyiriri ningwa ahamihanda obwo abebembezi ba disiturikiti barikubeetorooza ekitebe kikuru ekya disiturikiti.

Chemonges naagira ngu yaagambireho n’omwiruki rurangaanwa, Joshua Cheptegei kukwatanisa nawe omukutendeka abaana aba nikwo bakabaebeekanisiza nyensya.

“Nyowe kenyine niinyija kureebeka ngu baakoragana n’abairuki rurangaanwa nka Joshua Cheptegei ou twagambire kumwe ahanshonga egi kandi eki nikiija kubaha omujinya, bashongokye reeru barugyemu abazaani abarikwija kuba abasinguzi b’emapaka z’ebiro by’omumaisho,” Chemonges said.

Uganda efeereirwe entaranta ezirikubuza amaisho bwanyima y’okumara empaka z’amashomero ahabw’okubura obuhabuzi hamwe n’okutendekwa ekintu eki Chemonges arikugira ngu tikishemereire kugaruka kubaho kutandikira ahari aba Uganda n’ey’okuza omumpaka z’ab’ahansi y’emyaka 18 erikuza kuba omuri Bufaransa omuri Normandy omukwezi kwa 5 omwaka ogurikwija kandi aba nibateekateekwa kuba bari aha tiimu ya Uganda.

#WestUpdates

LEAVE A REPLY