Hockey: Wananchi nibahayira Weatherhead aha wiikendi

381
0
SHARE

N’ebya Charles Lwanga

Kaputeni wa tiimu ya Hockey eya Wananchi Thomas Opio naagira ngu tiimu yeeine amaani g’okuzibira tiimu ya Weatherheads HC okugumizamu erikusinga

Opio eki akigambire obu abeire nagamba ahamuzaano ogutegyereize tiimu ya eya Wananchi na Weatherhead aha Sande ahakishaayi ekya Lugogo.

“Tworekyereire kusingura omuzaano gwaitu na Weatherhead kwongyera emigisha yaitu kwegaruriza ekiopo ky’empaka,” nikwo Opio.

Wananchi bakasingwa omuzaano gwahereerukire omuncuro y’okubanza 4 ahari 2 kandi owabeire gumwe ahamizaano eyaboneire omumpaka.

Tiimu zombi nizizaana omumirino y’okutaahirira, ekirikumanyisa ngu eizooba eryo niriija kwetaaga abatendeki abarikubaasa kugumira embeera y’emitima kubehanika ahabw’okugira ngu tiimu zombi ziine abazaani abarikurumba kandi ab’amaani.

Beitu hoona nabwo ekishengye kya Weatherhead ekirimu Solomon Mutalya kiine oku kirikusingaho kakye ahakya Wananchi.

Wananchi eri omumwanya gwa kabiri omumpaka ezi eza National Hockey League n’obubonero 22 ahi Weatherhead arikubakiza obubonero 2 bwanyima y’emizaano 9.

Kaputeni wa Weatherhead Moses Tushabe naikiriza ngu tiimu ye ku eratungye obusinguzi barikusinga Wananchi nibaija kuba bayongyera ahamigisha yaabo y’okusingura ekikopo

Twine kukora n’amaani nikwo tusingure omuzaano gwaitu ogu twine na Wananchi kugumya amatsiko agu twine ag’okusingura ekikopo beitu ekintu eki turikumanya tikirikwija kworoba,” Tushabe nikwo arikugira.

Oku nikwo tiimu zirikuza kukwatana;

KHC stallion’s V City Lions
Rockets v KHC Originals
Rhino’s v KHC swans (ABAKAZI)
Weatherhead v WHD Historicals

Sunday
Wananchi SC v Weatherhead HC
City Lions v WHD Historicals
Weatherhead v DCU (ABAKAZI)
MUK Stinger v Rocket

#WestSports

LEAVE A REPLY