Oku eza ‘Uganda Premier League’ zikozire omukugura abazaani

472
0
SHARE

N’ebya Shafik Ssenoga

Hati nibwo bwire obu kiraabu z’omupiira gw’ebigyere zirikushohoza sente nyingi obwo zirikwongyeramu abazaani aha tiimu zaabo omukatare k’abazaani

N’obu buraabe buri obwire bwa coronavirus, kiraau nyingi zongyeire abazaani ahatiimu zaabo obwo siizoni y’omwaka 2021/22 erikutandika ahagati y’okwezi kwa 10 oku eriyo neyirira haihi.

Bwanyima y’akatare k’abazaani kuhwa nyomwebazyo omukiro, nitukuhisyaho oku kiraabu 16 zikozire omukatare k’abazaani omumpaka eza Uganda Premier League.

KCCA FC
Aba nibo basingireyo kugura abazaani omukatare aka obwo barikugura abazaani 11 kandi aba barimu
Davis Kasirye, Brian Majwega, Brian Kayanja, Geofrey Wasswa, Emmanuel Wasswa, Usama Arafati, Yassar Mugerwa, Innocent Wafula Esimu, Rogers Mato, Derrick Ochan na Benjamin Ochan.

Hoona aba baine abazaani abu barekire bakagyenda kandi nabo barimu; Hassan Musana, Joseph Kafumbe, Juma Balinya, Moses Aliro and Samuel Kato kandi hoona abaikiriize kushazamu endagaano zaabo. Kwonka we Moses Kalanzi, Keziron Kizito, Bright Anukani na Filbert Obenchan ezaabo zikahwayo. Steven Sserwadda, Charles Lukwago na Hassan Matovu bakaguzibwa omukiraabu za New York Red Bulls, St George (Ethiopia) na Soltilo Bright Stars FC nk’oku barikukuratana.

EXPRESS FC
Nikitangaaza kushanga ngu kiraabu egi kandi hoona esingire ekikopo kya siizoni ehweire tibabaasize kwejumbira munonga omukatare k’abazaani beitu baguzireyo abazaani bakye. Aba barimu omukwatsi wa goora Joel Mutakubwa, Nicholas Kasozi (ogu bamwegurize kuruga Kyetume), Joseph Akandwanaho, Dues Bukenya na Raymond Walugembe.

VIPERS FC
Kuruga siizoni ez’enyima, aba batwire nibakoresa sente nyingi munonga omubutare bw’abazaani beitu ahamurundi ogu baguzire abazaani 2 bonka kandi aba ni omukwatsi wa goora Jack Komakech na Bright Anukani.

URA
Aba bagarukire baheereza Said Kyeyune batakongyeireho Viane Ssekajugo, Derrick Ndahiro, Living Kabon n’omukwatsi wa goora James Alitho, Simon Baligeya na Andrew Okiring Isiagi.

SC VILLA

Aba ahatiimu yaabo bongyeireho abaana bato nka Ismail Mugulusi, Travis Mutyaba, Iddi Abdul Wahid na Oscar Mawa hamwe n’abandi 3 kuruga omumpaka eza Masaza Cup abarimu Ali Bayo, Gift Fred na Charles Bbaale.

WAKISO GIANTS
Moses Aliro, Frank Ssenyondo, Titus Sematimba, Sharif Kimbowa and Grant Matsiko nibo bazaani basya abaguzirwe.

BUL
Aba batwire omukatare k’abazaani  kandi beetungyeireyo abasya nka omukwatsi wa goora Saidi Keni na Emmanuel Kalyowa, George Kansoko, Ivan Wani, Jerome Kirya, Douglas Muganga, Najib Tusaba, Ibrahim Nsimbe, Dickson Niwamanya, Richard Ayiko and Umar Mukobe.

GADDAFI
Abasya abeegaitsire omukiraabu egini Jamaldin Buchochera, Faisal Muwawu, Alex Kitatta n’abandi bazaani 4 abu beegurize kuruga omukiraabu ya Vipers kandi aba ni Brian Kalumba, Ibrahim Tembo, Emmanuel Munoobi na Sula Mpanga.

ONDUPARAKA
Baguzire Aluma Muzaid, Jarieko James, Aluma Oscar Musa, Okello Ivan, Yakin Rashid, Nathan Oloro, Kitabalwa Robert, Rashid Agau, Okello Isaac n’abandi.

BRIGHT STARS
Owaabeireho kaputeyini waabo Nelson Ssenkatuka agarukire. Abandi abaguzirwe ni omukwatsi wa goora Emmanuel Derrick Were, Hassan Matovu, Fiat Cleophas, omu Japaani Kazuto Kushida, Isa Bugembe, Ivan Irinimbabazi.

ARUA HILLS
Aba kandi hoona abeegaitsire busya omumpaka za Uganda Premier League batwire bari omukatare k’abazaani kandi aba batungire Junior Andama , Sharif Yusuf Saaka , Faizal Ibrahim, Ivan Eyam , Samuel Ssekamatte, Toha Rashid , Gadafi Wahab, Robert Eseru, Innocent Maduka, David Ndihabwe, Atendere Geriga, Bright Vuni.

UPDF
Abanyamahe aba bongyeire ahatiimu yaabo barikutamu Salim Huud, Patrick Kusemererwa, Ya Sabir, Brian Bwete, Yoga Farouk, Augustine Akoch, Shaban Wasswa, Douglas Oyirwoth, Donato Okello, Davis Kakaire, Sulaiman Kimbugwe, Rogers Adriko, Ivan Ahimbisbwe na Rogers Mugisha.

MBARARA CITY
Ebicuncu bya Ankore baguzire Frank Kalule, Simon Mbaziira n’abandi.

TOORO UNITED
Aba batungire Karim Ndugwa, Denis Mwemezi, Hamis Gabite na Ronald Kikonyogo. Okugaruka kwa Juma Balinya omu POLICE FC harikuburayo obwire bukye akatare kakahwa kukozire amakuru kandi n’aba BUSOGA UNITED nabo haine abazaani abu baguzire

LEAVE A REPLY