Ibanda boohereize 2 omuri Kabura-Muriro

264
0
SHARE

N’ebya Stephen Nuwagira

William Matungo abeire nareebeka nk’ekishankara ahamaisho! Omushaija ogu ow’emyaka 58 abeire nareebeka nk’otakiine buhamizo obu abeire nareebekaho omumaisho ga kooti y’omuramuzi kuhurira emanja ezi ateirweho. Matungo omutaka w’ekyaro kya Kagaahi omugomborora ya Kucuzi omu disiturikiti ya Ibanda ari ahamanja 2 – rumwe rw’obwitsi n’orundi rw’okucwekyereza ebintu n’omuriro.

Nikigambwa ngu Matungo n’abandi bakataahirira kandi baita Melezadeki Byamugisha nawe owa Kagaahi ebiro 15.08.2021 ekikorwa ekitarikwikirizibwa obushonshorekye 188 na 189 bw’ekiragiro omungyenderwaho y’eihanga.

Ekikoosi nikyo kimwe hoona ekirikuteekateekwaho kuba kyayokize enju ya nyakwitwa bwanyima y’okukora ekihagaro barikugyezaho kucwekyereza obwamushaija.

“Mukacwamu kwosya enju ya Melezadeki Byamugisha omubuhenda biragiro ebiro 15.08.2021 ekikorwa ekirikuhenda ekiragiro kya 327(a),” nikwo Matungo bamugambeire obu abeire nashomerwa emishango emuteirweho obu abeire ari omumaisho g’omuramuzi Siena Owomuisha ebiro 08.09.2021.  

Ow’ekitiinisa Owomugisha amuhabwire obutashaba kwehozaho kwona ahabw’emishango okuba mihango munonga kandi hoona erikubaasa kuhozibwa omu kooti enkuru. Ogu ayohereziibwe omukihome kya Nyabuhikye kuhisya ebiro 22.09.2021 ahi omushango gwe guragarukye kushomwa.

Ebyo bikiri aho kooti niyo emwe ey’ohereize omuri kabura muriro, Wilbur Nshemereirwe, kumara emyaka 4 ahabw’okuhenda enju akaibamu n’ebintu. Obu abeire nacwera ekifubiro, Omuramuzi Owomugisha agizire ngu ogu abeire ashemereire ekifubiro eki kwohereza akamanyiso ahaminyeto abandi abarikwenda kutunga sente z’aho n’aho barikukoresa emiringo y’okwiba ebintu by’abandi.

Nshemereirwe ekibonerezo eki kimwihire eishokye ahamutwe ahabw’okuba ngu abeire nateekateeka ngu nibaija kumuha ekifubiro ekitaremeire kityo agumize ngu aine omukazi oine enda hamwe n’omwana kandi niwe arikubasherurira eky’okurya.

“Omukazi waawe n’omwana nibo baakubeire nibakutamu omuhimbo gw’okugyezaho okakora munonga reeru okabareebererera omumiringo etarikuhenda biragiro. N’ahabw’ekyo tihaine oku kooti erikubaasa kukusaasibwa,” nikwo omuramuzi amugizire.

Atyo nikwo amuhaire emyaka 4 omukihome kya Nyabuhikye ahabw’emishango yombi; 2 y’okuhenda akataaha omunju n’endiijo 4 y’obushuma. Ekifubiro ekyo nikikorwa kutandika ebiro 08.09.2021

Omuramuzi hoona nabwo agarukire yaragiira Nshemereirwe kushashura Andrew Gadala omurinzi w’ekihome ekya Kiburara eshiringi miriyooni 1 na 800,000 nk’enshumbuushano y’ebintu ebyabuzire.

Omushango

Okurugiirira ahancwa y’omushango, Nshemereirwe n’abandi bakahenda kandi bataaha omunju ya Gadala omumaju g’abakozi b’ekihome kya Kiburara nyekiro ebiro 21.08.2021 nikwo kwiba kanyabwengye ya laptop n’enshaho yaayo, enkaito hamwe n’esimu. Ebintu ebyaibirwe bikaba nibibarirwamu shiringi miriyooni 1 na 850,000. Bimwe ahabintu bikatungwa kuruga omumaka ga nyakuteekateekwaho omumuhiigo ogu poorisi yaakozire nikwo ba kitabaaza bagambeire embuga z’ebiragiro kandi nikwo kushaba ekibonerezo ekirikingira emishango egi okuguma nebaho bagumize ngu teyoshire kwija omukooti bwakiire bwaizire.

LEAVE A REPLY