Uganda kwejumbira omumizaano y’ensi yoona omuri Belgrade, Serbia

204
0
SHARE

N’ebya Aloysius Byamukama

Uganda neija kwejumbira omumpaka z’emizaano amashomero ez’ensi yoona ez’ab’ahansi y’emyaka 15 omurundi gw’okubanza ezirikubaho kuruga ebiro 11 kuhisya 19.09.2021

Orikwebembera ekibiina ekirikugaita ebibiina by’eby’emizaano ya siniya, Patrick Okanya ahamize ebi ahaw’okubanza.

“Nitwija kwejumbira omumizaano erikuza kuba omuri Belgrade kandi abazaani baitu bariyo nibetebeekanisa. Twine amashemererwa ahabw’okugira ngu ekigyendererwa kyaitu ky’okworeka entaranta zaitu nto aharurengo rw’ensi yoona kiriyo nikihikiirira,” Okanya nikwo agizire.

Okanya ayongyeire yaagira ngu, “Tutungire obushagiki kuruga omuri ba minisita abariho hamwe n’ab’enyima ab’eby’emizaano kandi twine kwebaza gavumenti turikurabira omukakiiko k’eby’emizaano ak’aharurengo rw’ihanga.”

Minisita kandi orikuza kwebembera abaraajwekyere eihanga omuri Serbia naagira ngu emizaano egi ahansi y’ekibiina ekirikukurira eby’emizaano y’amashomero ga siniya aharurengo rw’ensi n’omuringo gw’okuteera omusingye kwombeka nyensya ehami ahabw’eihanga omubikwatiraine n’eby’emizaaano.

Minisita w’eby’emizaano nareeba kimwe ahabikopo ebi tiimu ya Uganda yasingire omumpaka za FEASSA omuri Arusha, Tanzania omugwa 2019. PHOTO: ALOYSIUS BYAMUKAMA

“Emizaano egi eine ekiyendererwa ky’okutaho omusingye gw’abanyamizaano batari bamwe na bamwe omubiro by’omumaisho. Oru n’orubuga rw’ensi yoona kandi aha niho turikuza lushwijumira oku tweteekateekiire nyensya hamwe n’okworeka entaranta zaitu ento,” Obua nikwo agizire.

Emizaano egi neija kwejumbirwamu abazaani barikurenga omuri 2,500 kuruga omumahanga 43 omunsi yoona oteiremu na Uganda kandi nibaija kwejumbira omumiringo y’emizaano erikuhika 14 aharimu Athletics, Badminton, Basketball, Basketball 3*3, Chess, Football, Judo, Karate, Orienteering, Swimming, Table Tennis, Taekwondo, Volleyball na Wrestling.

Abazaani ba Uganda barikujaguza bwanyima y’obusinguzi omumizaano ya FEASSA omuri Arusha, Tanzania omugwa 2019 PHOTO: ALOYSIUS BYAMUKAMA

Uganda neija kutayo abazaani 25 kandi nibaija kwejumbira omumizaano 6 omuri egyo 14 kandi egi ni Athletics, Swimming, Table Tennis, Chess, Basketball and Badminton.

Tiimu ya Uganda n’ey’okuza Serbia orwakataano 10.09.2021 kuza omumpaka ezirikutandika aharwamukaaga Nk’oku bibeire biri ahamizaano ya Olympics hamwe na Paralympics tihaine bahagizi abarikuza kwikirizibwa ahamizaano egi kandi abazaani boona nibaija kuba nibakuratira ebiragiro ebiteirweho kwerinda n’okwetantara endwara ya #COVID19.

LEAVE A REPLY