Aaki Bishopu Lambert Bainomugisha yaatungisa abasaseridooti 8 n’abadiikoni 11

372
0
SHARE

Aaki Bishopu Lambert Bainomugisha ow’eitware erya Mbarara eriizooba yaatungisa abasaseridooti 8 n’abadiikoni 11 ahamukoro ogwakorerwa aha ekeleziya enkuru eya Nyamitanga, Mbarara.

Aba baashabwa kwikiriza ekigambo kya Ruhanga kubakuriramu kandi kikabatuuramu obwo barikuheereza abaikiriza na rukundo.

Ah’abwa #COVID19 n’okugyendera aha biragiro ebyateirweho mukuru w’eihanga, omukoro gwaba guriho abantu bakye wagyeragyeranisa n’emikoro etuura neebaho.

Omukoro ogu gwaba guriho abantu 108 bonka, aharimu abazaire b’abatunga, abanyadiini hamwe n’abebembezi nka Minisita wa gavumenti z’ebyanga, Rafael Magezi, Gerevazi Ndyanabo, Deputy Managing Director, Vision Group, Meeya wa Mbarara Robert Kakyebezi, Sipiika w’orurembo hamwe n’abandi.

LEAVE A REPLY