Purezidenti yatoorana abaramuzi abandi

642
0
SHARE

Purezidenti Yoweri Museveni yaaheereza emirimo abaramuzi abandi.

Emirimo egi Museveni agigabire orwakataano orwa wiiki ehweire, okurugiirira ahakumanyisibwa okuhikire ow’omugambirizi w’eishengyero, Jacob Oulanya.

“Ndikukoresa amaani agaaheirwe Purezidenti akashonshorekye k’engyenderwaho y’eihanga eyakozirwe omugwa 1995 aka142 omukacweka k’okubanza ahansi y’obuhabuzi bw’akakiiko k’abaramuzi, naheereza emirimo abantu aba ahaifo nk’abaramuzi ba kooti ejurirwamu hamwe n’abaramuzi ba kooti enkuru,” nikwo Museveni agizire.

Aba barimu; Eva Luswata Kavuma na Christopher Gashirabake kandi aba n’abaramuzi aba kooti ejurirwamu.

Abandi ab’omukooti enkuru ni Tom Chemutai, Lawrence Tweyanze, Vincent Wagona, Alice Komuhangi na Florence Nakachwa.

Amaziina g’abo abaheirwe emirimo obwa hati gayohereziibwe omu ishengyero kuhamibwa.

WestUpdates

TVWestAt10

LEAVE A REPLY