Kooti yayongyezayo orubanja rwa Genensio

561
0
SHARE

Kooti enkuru omuri Mbarara yayongyezayo okuhurira orubanja rw’oburuuru bw’omuny’eishengyero ahabw’ishaza erya Kashongi kuhisya ebiro 30/8/2021.

Genensio Tumuramye owasingirwe akatabaaza omu kooti arikuhakanisa obusinguzi bwa Herbert Tayebwa Musasizi agumize ngu hakabaho okwiba akaruuru, okutiinisiriza abahagizi be hamwe n’okucupura.

Embaju zombi zareebeka omumaisho ga kooti enkuru akasheeshe k’eriizooba eyaaba ekuriirwe omuramuzi Moses Kazibwe Kawumi.

Omu kuhurira orubanja oru, Omuramuzi Kazibwe yashaba OC CID ahabwa disiturikiti ya Kiruhura kuhayo obujurizi bwa kitabaaza.

Arikugambaho n’abanyamakuru bwanyima y’okushutama kwa kooti, Genensio Tumuramye yaagira ngu aine amatsiko ngu orubanja rwe nirwija kucuubwa n’oburingaaniza.

Beitu we Herbert Tayebwa yaagira ngu okwirizayo orubanja oru nikiija kukyerereza kooti kuhayo encwamu yaayo.

LEAVE A REPLY