Clinton Kamugisha ashatagwize FUFA Big League!

555
0
SHARE

Andrew Tushabe

Omuteebi rurangaanwa owa kiraabu ya Nyamityobora FC Clinton Kamugisha, niwe yatwara ekiconco ky’omuzaani okirizeyo kuteeba goora nyingi omumpaka eza FUFA Big League ezahendera eriizooba obwo arikuteeba goora 12 omumizaano 14.

Nyamityobora abarikukira kumanywa nka “Abanyakare” tibabaasize kusinga empaka ezi bwanyima y’okuteerwa Gadaffi FC goora 4 ahari 0. Ekintu ekirugiriireho kooki wa kiraabu ya Nyamityobora, Richard Makumbi, kurekura agumize ngu we n’abazaani babaire bataine bushagiki kuruga omubebembezi ba kiraabu egi.

“Abantu aba bandeebize ahabw’okuba tihaine kintu kyona ekikozirwe kuha tiimu omuhimbo gw’okuzaana. Hati kiraabu yaaba etarikubaasa kugurira abazaani enkaito, ni ki eki orikuteekateeka ngu nikiija kubaho? Itwe tukozire ogwaitu ahabw’okuba babeire batarikuteekateeka ngu n’aha tubaire nituza kuhikaho,” Makumbi nikwo agambeire abanyamakuru bwanyima y’omuzaano na kiraabu ya Gadaffi FC.

Ekikopo kya FUFA Big League kyaza omurubaju orw’ekyanga ekya Elgon obwo Arua Hill erikuteera Tooro United ey’ekyanga ekya Rwenzori goora 1 omumupiira gwa kamariirizo ogw’okusherura oratware ekikopo.

Kiraabu ya Nyamityobora hoona baheebwa ekiconco kya shiringi 1,000,000 bwanyima y’okuhenderera omumwanya gwa 6. Hoona bwanyima y’okuremwa kutemba omumpaka eza Uganda Premier League, nikimanyisa ngu abahagizi nibaija kuba nibakireeba empaka eza FUFA Big Leaue kumara siizoni endiijo eya 2021/2022

Ebiconco bya FUFA Big League 2020/21

Champions – Arua Hill SC (UGX 10M)
Runners up – Tooro United FC (UGX 5M)
Third Place – Gaddafi FC (UGX 3.5M)
Fourth Place – Proline FC (UGX 2.5M)
Fifth Place – Blacks Power FC (UGX 1M)
Sixth Place – Nyamityobora FC (UGX 1M)
Fair Play Award – Ndejje University FC (UGX 2M)

#WestSports
#TVWestAt10


LEAVE A REPLY