Amahanga gongyere kurinda abaishiki bato, HIV – Byanyima

589
0
SHARE

Obwo eihanga ririkukuza ekiro ky’eminyeto, amahanga nigaijukibwa kwongyera amaani omukurwanisa endwara ya siriimu omuminyeto

Eki nikirugiirira ahakushanga ngu okukwatwa endwara oku omuminyeto kugumire kuri ahaiguru munonga okurugiirira ahari Winnie Byanyima, orikukurira ekibiina ky’amahanga ageeteeraine ekyehaireyo kurwanisa endwara ya siriimu ekya UNAIDS

“Nimbendeza ekiro kirungi ky’eminyeto. Omunsi yoona eminyeto erikuhika 460,000 nibo baakwatsirwe akakooko ka siriimu omugwa 2019 ahi 180,000 baabeire bari abashaija bato hamwe n’abakazi bato barikuhika 280,000. Amahanga gaine kuta amaani omukurinda abaishiki bato n’abandi bantu bato obutakwatwa kandi bagume nibamanya ebikwatiraine n’endwara egi,” Winnie Byanyima nikwo yaagira.

Ebi yaabita ahamukutu gwe ogwa Twitter kukuza ekiro ky’eminyeto ekirikukuzibwa omunsi yoona buri biro 12.08.

Ekibiina ekya UNAIDS nikiita amaani g’ebindi bibiina 11 by’amahanga ageeteeraine otairemu na UNHCR, UNICEF, WFP, UNDP, UNFPA, UNODC, UN Women, ILO, UNESCO, WHO na banka y’ensi yoonakandi nikyongyera kikoragana n’amahanga obwo boorekyereire okumariraho kimwe endwara ya siriimu omwaka 2030 gutakahikire.

Okucondooza okushohoziibwe omukwezi okuhwaire, okwamushanju kukooreka ngu abantu abarikutuura n’akakooko ka siriimu bari ahabuzibu bw’okuba baine siriimu kandi bakagaruka bakakwatwa n’akakooko aka #COVID19 kandi hoona nabwo abantu abamwe n’abaana nibakira kunagaijurwa omukutunga obuheereza bw’akakooko ka siriimu. Abantu abarikutuura n’akakooko ka siriimu bari omukabi k’ahango munonga kukwatwa oburwaire bwa #COVID19 ekirikubaasa kubarugiramu n’okufa kandi obwo baingi tibarikuheebwa emibazi y’okubagyema akakooko ka #COVID19

#WorldYouthDay
#TVWestAt10

LEAVE A REPLY