Obwitsi omuri Kikuube

527
0
SHARE

Omushaija omu disiturikiti eya Kikuube ayitsirwe omungyeri y’obwinazi bwanyima y’okugyezaho kutanga munyanya w’emyaka 16 obutashwerwa.

Owaitwa yamanywa nka Bruno Tumwejukye,35, omutuze w’ekyaro ekya Kiyembe omugomborora eya Kabwoya.

Nikigambwa ngu munyanya Tumwejukye akabura kuruga omuka wiiki ehwaire na bwanyima nikwo kutunga amakuru ngu ashweirwe omushaija omanyirwe nka Peter omukyaro ekindi.

Tumwejukye agiire omumaka g’omushaija ogu nyomwabazyo nikwo kuragira munyanya kushohora omunju.Beitu eki tikishemeize omushaija ogu,okwatsire omuhoro n’enfuka akateera omuramu akamwitiraho.

John Mary Tibagyenda, Ceyamaani w’ekyaro eki naagira ngu ahuurire enduuru ya Tumwejukye nikwo kwirukangira omumwanya ogu beitu ashangire yaafiire nikwo kumanyisa pooriisi ya Kikuube.

Arikugambaho n’abany’amakuru eriizooba, Julius Hakiza,orugambo Rozie want pooriisi y’ekyanga ekya Albertine yaagira ngu nyakwita atoorokire ahakyaro bwanyima y’ekikorwa eki kandi bariyo nibamuronda.

Francis Twesige Mukooto,ow’entebe yakashatu ahabw’ekyaro ekya Kabwoya yajuumirira ekikorwa eki kandi yashaba pooriisi kumuhiiga kugira ngu aboonerezibwe.

LEAVE A REPLY