#COVID19 ekyendeire kuruga ahari 17% kuhisya ahari 6%

354
0
SHARE

N’ebya Chris Kiwawulo 

Abantu barikwingana 1,210 nibo bahamiibwe kuba bakizire #COVID19, ekireeteire omubaro gw’abakizire omu ihanga ryona kuhika 81,014 omu ihanga ryona, ekitongore ky’eby’amagara nikwo kyarangirira eriizooba.

Okurugiirira ahakitongore, ebirugire omubantu abaakyebeirwe ebiro 27.07.2021, “omubaro gw’abantu barikuhika 160 nigwo gwashangirwe n’akakooko aka, nikwo kureetera abantu abatungire akakooko aka kuruga okwakashatu omwanka oguhwaire kuhika 93,282.”

Ahari aba, abantu 2,632 obwa hati nibo bafiire waagaitaho n’abaafa eriizooba abarikwingana 27. Amakuru aga kuruga omukitongore ky’eby’amagara nigooreka okukyendeera omumubaro gw’abantu abarikwitwa endwara ya #COVID19 kandi abanya Uganda baingi nibeyongyera okukira endwara egi

Abarwaire barikuhika 632 nibo bakiri ahabujanjabi omumarwariro obwa hati abantu abaine akakooko aka bakyendeire kuruga ahabicweka 17 ahari 100 kuhisya ahabicweka 6 ahari 100

Okurugiirira ahari Purezidenti Museveni, okukira endwara egi n’okukoresa omuringo gw’okugyemesa omubazi ogurikugisirika. Hoona nabwo, obwa hati abantu barikuhika 1,135,916 nibo bagyemesiibwe endwara egi omubantu miriyooni 22 aborekyereire kugyemesibwa.

Okurugiirira ahari gavumenti, batumiise ebipimo birikurenga omuri miriyooni 11 (miriyooni 9 eby’ekika ekya Astra Zeneca na miriyooni 2 eby’ekika kya Johnson and Johnson) kwonka amahanga agarikukora emibazi egi nigeekwata munonga ahakuhayo emibazi egi.

Eki nikiijaho omubwire obu ab’akakiiko akarikukora emirimo y’okwerinda endwara egi omu ihanga barikwija kubuganaho Purezidenti w’ihanga eriizooba kuhajaanaho eki bashemereire kukuratsaho obwo akeeshereko k’ebiro 42 karikuhwayo omu wiikend egi.

Purezidenti naija kugambira eihanga ahambeera ya #COVID19 nyencakare orwakataano. Nyomwebazyo, ebiro 28.07.2021 amakuru garugireyo garikugira ngu ab’akakiiko k’emirimo y’okurwanisa endwara egi babugaineho aha ofiisi y’enganzi y’ihanga.

“Akakiiko kabugaineho kuhaajaana ahakirikubaasika omukubaasa kwihaho bimwe aahabiragiro ebyateirweho hamwe n’oku eki kirikubaasa kukorwa bwanyima y’abantu abaine endwara egi kukyendeera. Ba memba b’akakiiko aka nibaija kuhayo ebiteiso byabo owa Purezidenti kubihajaanaho batakakozire encwamu y’ahamuheru,” amakuru nikwo garikugira. Enganzi y’ihanga, Robinah Nabbanja, niwe orikukurira akakiiko akakrikukurira emirimo akarikurwanisa endwara ya #COVID19.

#WestUpdates

LEAVE A REPLY