Uganda Airlines kutandika kukora engyendo naingwa omundembo empango.

302
0
SHARE

Uganda Airlines eriyo neza kutandika okuza omungyendo endaingwa okwetoorora endembo empango omuri Bungyereza hamwe n’amahanga aga Buharabu.

Bwanyima y’okutunga enyonyi ezindi ibiri (Airbuses),Uganda Airlines eyeteekateekire okutandika okutwara abantu hamwe n’emigugu okuza London na Dubai emyanya erikukira kuzaamu abashuubuzi baingi.

Jenifer Bamuturaki, orikukurira kampuni ya Uganda Airlines agizire ngu enyonyi okuza London nikwija kutandika Okwikumi na kumwe bwanyima y’okwemerezibwa kw’abantu okuzayo ahabwa COVID-19.

Okuza Dubai nikwija kutandika Okwamunana.

Endembo ezindi harimu Guangzhou omuri China hamwe na Mumbai omuri India, ahu abanya Uganda baingi barikukira kuza kushuubura.

Enyonyi za Uganda hati niziza omu myanya 8 omuri Africa nka Nairobi, Johannesburg, Mogadishu, Bujumbura, Dar es Salaam, Juba, Kilimanjaro, Kinshasa, Mombasa, hamwe Zanzibar.

#WestUpdates

LEAVE A REPLY