FDC nibasherura oraaze omubigyere bya Ingrid Turinawe

347
0
SHARE

N’ebya Jeff Andrew Lule

Ssebugwawo, obeire ori omuhwezi w’orikwebembera ekibiina kya FDC ahabw’ekyanga ekya Buganda, enshumi nkye ehweire aheirwe obwa Minisita bw’eby’empurizana kandi hoona entebe ei yaayakiire n’emikono yombi, ekintu ekitarakozire kurungi bamwe omubebembezi b’ekiniina

Obwo arikugaaniiraho n’abanyamakuru omuri Najjanankumbi, orikwebembera ekibiina kya FDC Eng. Patrick Amuriat Oboi agizire ngu Ssebugwawo akasigaho ekibiina ahabwe obu ayegaita ahakibiina ekiri omubutegyeki ekya National Resistance Movement.

“Takiri ,emba waitu ahabw’okuba akagyenda. Tarikubaasa kwebembera rukiiko rwona  ninga kugambirira ekibiina kyaitu,” nikwo agizire.

Amuriat agizire ngu emyanya endiijo ey’okutaba erimu; orikujunaanizibwa eby’okutebeekanisa n’okukunga ba memba, ogwabeire gurimu Ingrid Turinawe, owayesimbire nk’otaine kibiina, kandi hoona ekintu ekirikuhenda amateeka g’ekibiina.

Emyanya endiijo erimu omuhwezi wa mukuru w’ekibiina omuri burugwa-izooba bw’ihanga, omuhandiiki mukuru wa Purezidenti w’ekibiina, omuhwezi w’omuhandiiki mukuru ahabw’eby’obuhangwa, omuhwezi wa mukuru w’eby’okushoboorora emihondano, omuhwezi w’omuhandiiki w’enshonga z’ebyanga, omuhandiiki mukuru ahabw’eby’enzaarwa hamwe n’omuhwezi we, ow’eby’emicwe n’ediini hamwe n’omuhwezi w’omuhandiiki mukuru ow’eby’obuhingi n’oburiisa.

Amuriat agizire ngu ekibiina nikiija kutaho orukiiko oruraatoorane ba memba 20 abaraabe nibashutama omukakiiko akakuru ak’ekibiina nari shi National Executive Committee (NEC).

#WestUpdates

LEAVE A REPLY