NEC kutandika kukora enguuto omu ihanga

280
0
SHARE

Ekitongore ekirikujunanizibwa ahaby’enguuto omu ihanga ekya UNRA bakora endagaano n’ekitongore ekya National Enterprise Corporation (NEC) erikuza kwikiriza amahe aga UPDF kutandika kuhuunduza hamwe n’okureeberera enguuto omu ihanga.

NEC,ekitongore ky’eby’esente ahansi ya UPDF ,kurugirira aha ndagaano egi,nikija kutandika kukora enguuto erikuza omu irwariro ry’okushemerezamu abaana omuri Entebbe nka purojekiti yaabo ey’okubanza.

Omu kihandiko ekyashoohozibwa UNRA eriizooba,enguuto egi (4km) neija kuhwera abantu kuhika ah’irwariro eri,eri abarwaire barikushemerezibwamu hati omukyanga eki.

Ezindi enguuto ezirahuunduzibwe harimu orwa Olwiyo-Pakwach hamwe n’okureberera enguuto ezimwe nka Ngoma-Kyankwanzi (15km),Ngoma-Kasozi-Kyamukanda (42km),Luku-Kalangala (31km) hamwe na Kalangala-Mbalabana (35km).

UNRA yaagira ngu endagaano egi neija kuhwera ebitongore kukora purojekiti ezimwe omumaisho.

Orikukurira ekitongore ekya UNRA,Allen Kagina yaagira ngu okukwatanisa ahagati y’ebitongore ebi nikija kuhwera gavumenti kuhikiriza ebigyendererwa byayo eby’entunguuka.

LEAVE A REPLY