Kampala emishuuburo nibagitamburiza ahabugaari

302
0
SHARE

N’ebya Wilfred Sanya

N’emiringo emisya eyizire ei abantu barikukoreramu eby’obushuubuzi, abarikushuubura ebintu omuri Kampala n’emyanya egihereire bahindwire hati baatandika kukoresa egaari kusherura abaraabagureho ebintu. Nibapakira ebintu byabo omubuveera ahi barikugyenda nibaheereza abantu enju ahandiijo omukeshereko akagyendereire kukyendeeza okujanjaara kw’endwara ya #COVID19.

Abashuubuzi aba nibatunga ba kasitoma baabo barikubashaba ebintu kandi babarangira emyanya ei barikuba barimu. Ahi bizinensi yaabo erikukurira nibaheereza emirimo eminyeto ei emishomo yaabo yayemereire hamwe n’abo abari omumatendekyero ag’ahaiguru.

Aba nibakwata emishuuburo bagipakira ahagaari batandika kutambuza mpaka rirengire

Henry Mugisha, omwegi w’eitendekyero erya Kyambogo University naagira  ayegire omugisha ogundi ogu arikwija kukoresa emishomo ku eraagarukyemu agumizamu n’emishuuburo ye.

Ogu naagira ngu we natandika eizooba rye shaaha 12 n’ekicweka z’akasheshe agura ebintu omukatare ka Kireka Farmers Market kuruga ahabahingi abarikureetamu emishuuburo ei arikugurira omubwingi.

#WestUpdates
#StaySafeUG

LEAVE A REPLY