55,000 bakizire #COVID19 omu Uganda – Ab’eby’amagara

532
0
SHARE



N’ebya John Masaba

Omubaro gw’abantu abarikuhika 55,551 obwa hati nibwo basingwire orugamba n’endwara ya COVID19 omu Uganda, ekirikureetaho amatsiko masya obwo eihanga ririkurwana orutaro rw’endwara egi. Ekirikushemeza kandi hoona nabwo n’okugira ngu 706 bakizire omu izooba rimwe!

Okurugiirira ahamakuru agarugire omukitongore ky’eby’amagara nyomwebazyo ah’izooba rya sande ebiro 04.07.2021, omubaro gw’abantu abarikufa ahabw’endwara egi gukyendeire kuruga ahabantu 37 gwaza ahabantu 29 omushaaha 24. Abantu abagyemirwe endwara egi obwa hati nigwingana 990,902. Omubaro gw’abantu abarikukwatwa endwara endwara egi ni 784; tigukahikire omunkumi omubiro 2 bikurateine. Abaakwatsirwe orwamukaaga bakaba bari 770.

Eki nikimanyisa ngu omubaro gw’abantu abaakwatsirwe endwara egi kuruga ekwatwa omu ihanga omukwezi kwa kashatu omwaka oguhwaire ni 83,636.

Omubaro gw’abantu abakwatsirwe COVID19 omumadisiturikiti guri guti; Kampala 320: Wakiso, 70; Kanungu, 37; Kibuku, 36; Tororo, 37; Masaka, 28; Nakasongola, 24; Mbale, 21; Mpigi, 16; Jinja, 14; Bunyangabu, 12; Gulu, 12; Luwero,10; Pallisa,10; Kapchorwa, 9; Kyotera, 9 and Soroti, 9.

Sembabule ebeire eine 8; Busia, 7; Arua, 6; Kabarole, 5; Bundibugyo, 5; Kyenjojo, 5; Mbarara, 4; Butaleja, 4; Kagadi, 3; Sironko, 3; Buvuma, 3; Kabale, 3; Bududa, 2; Namayingo, 2; Koboko, 3; Lamwo, 2; Buliisa, 2; Kasese, 2; Bulambuki, 2; Mityana, 1; Kalangala, 1; Adjumani, 1 and Mukono, 1.

Rakai, Nakaseke, Moyo, Buynde, Mubende, Abim, Kisoro, na Kiryandongo habeire hariyo omuntu omwe-omwe.

LEAVE A REPLY