Gen.Muhoozi yakwatsa Brig.Peter Candia offiisi

573
0
SHARE

Lt.Gen.Muhoozi Kainerugaba yakwatsa offiisi omubutongore Brig.Peter Candia omugire omubigyere nk’omudumizi w’amahe aga Special Forces Command (SFC).

Arikugamba ahamukoro ogu ogwaba ahambuga nkuru za SFC omuri Entebbe eihangwe ry’eriizooba Orwamuka ebiro 3/7/2021,omudumizi w’amahe g’eihanga,Gen.Wilson Mbadi Mbasu yasiima Gen.Muhoozi ahabw’omurimo murungi ogu akozire omu SFC.

Ogu yashaba omwebembezi omusya kutuungura amahe aga kandi n’okukwatanisa n’abebembezi abahaiguru omumahe kuhiikiriza emirimo ye.

Beitu obaire nadumiira SFC,Lt.Gen.Muhoozi Kainerugaba oheerize kutooranwa kudumiira amahe agahaitaka yashaba owamuza omubigyere kugumizamu nakora purojekiti ezi abaire atandikireho omu SFC.

Omudumizi omusya,Brig.Peter Candia owajwekyerwa omuhwezi we,Brig Felix Busizoori yasiima Purezidenti Yoweri Museveni ahabw’okumutoorana kandi yaaraganisa okugumizamu nakora nk’oku ashemereire.

LEAVE A REPLY