Kooti enkuru yeihaho eky’okuhoozeesa abantu ba buraijo omu kooti z’amahe

203
0
SHARE

Kooti y’engyenderwaho hamwe n’ebiragiro by’ihanga yaaragiira kooti z’amahe obutahoozeesa abantu baburaijo,egumize ngu eki nikihenda ebiragiro by’engyenderwaho y’ihanga.

Eki nikijaho bwanyima y’owabaireho omuny’ishengyero wa Nakawa,Michael Kabaziguruka kuhandikira kooti arikwetomboita  omushango gwe okuhoozeesibwa omu kooti enkuru ey’ekinyamahe omuri Makindye,Kampala.

Kabaziguruka n’abandi bantu 22 bakacweerwa ogw’okuryamu ihanga orukwe omu kooti y’ekinyamahe omukwezi kwamukaaga,omwaka  2016.Ogu ahandiikire kooti enkuru arikushaba omushango gwe kugwihwa  omu kooti y’ekinyamahe.

Arikurabira omu puriida we Ladislaus Rwakafuzi,Kabaziguruka agiizire ngu emishango erikumujunanwa eine ekigyendererwa omuby’obutegyeki.

Kooti eriizooba yacwamu ngu omushango ogu gweihwe omu kooti.

Omu kihandiko ekyashoohozibwa ekibiina ekya National Unity Platform (NUP) eriizooba,aba bayaakira encwamu ya kooti y’ebiragiro okuhwiha emishango y’abantu ba buraijo omu kooti z’amahe.

LEAVE A REPLY