EMPAKA ZA CECAFA-UGANDA NEZAANA NA SAUDI ARABIA OMUGW’OKWEGYEZAMU

250
0
SHARE

Tiimu ya Uganda Cranes neriitana n’eya Saudi Arabia omwebazyo ogu, omu muzaano gw’okwegyezamu okwetebekanisiza empaka za CECAFA ezirikutandika okwezi oku omuri Ethiopia.

Uganda Cranes eri omu ihanga rya Saudi Arabia ahu etiire enkambi yaayo okweteebekanisiza empaka ezi, kandi omuzaano ogu niguzaanirwa aha kishaayi ekya Prince Faisal Bin Fahad Bin Abdulaziz .

Omuzaano ogu n’ogw’okubanza omu mizaano 2 ei Uganda Cranes erazaane na tiimu ya Saudi Arabia omu kwegyezamu okweteebekanisiza empaka za CECAFA ez’abahansi b’emyaka 23, ezirikuza kutandika kuhiindira omuri Ethiopia okwezi oku.

Nk’omuriingo gumwe gw’okweteekateeka kurungi, Uganda Cranes etembire enyonyi yaaza Saudi Arabia ahu etiire enkambi kandi omutendeki Morley Byekwaso yayooreka amatsiko ga tiimu ye kukora kurungi.

Okwongyera aha migisha ya Uganda, abazaani hamwe n’abakuru boona abagyenzire na tiimu bakyebiirwe kandi bashangwa batiine burweire bwa Covid-19, ekirikuheereza Byekawaso amaani.

Omuzaano gw’erizooba n’ogwa 3 ahagati ya tiimu zombiri, kandi ogwabandize omugwa 2001, Saud Arabia ekasinga Uganda 3-1 reeru omu gwa 2 omu 2010, zikagwa makazi 0-0, kandi ogwa 2 ogw’okwegyezamu niguzaanwa aha rw’okubanza.

Empaka za CECAFA ez’omwaka ogu nizitandika ebiro 17 omu kibuga Bahir Dar, Ethiopia okutandika 17/07, kandi Uganda Cranes niyo eyine ekikopo eki bwanyima y’okusinga eya Eritrea na gooro 3-0 omu mpaka ezazaniirwe omuri Kampala 2019.

LEAVE A REPLY