Omukazi yateera omwana ou ari muka-ishe paraffin arikukoresa ekikatu ky’ente.

598
0
SHARE

N’ebya Moses Bikala

Pooriisi omuri Iganga eriyo nehiiga omukazi w’emyaka 24 otaire omwana ou ari muka-ishe ekikatu kya paraffin bwanyima y’okutoongana n’iba.

Mariam Namukose,omutuze w’ekyaro ekya Bukyaye omu gomborora eya Nakalama,disiturikiti eya Iganga nagambwa kuba yakoreesa ekikatu ekihango eki barikukoresa aha nte kijwiremu paraffin kuteera omwana w’emyaka 6 ou ari muka-ishe n’ekigyendererwa ky’okumwita.

Ogu yaaba najunaana iba ahabw’obutafa ahamwana we ow’omwaka gumwe beitu obwo arikureberera omutabani wenka,Arnold Mumbya.

Beitu omushaija,Isaac Bogere yaagira ngu omukazi kuyareeba abataka batariho,nikwo kuteera omwana ekikatu eki.

“Naaba ngire omumaduka kugira eki nagura.Kunaza kugaruka omuka,nashanga mutabani wangye abyami ahakitanda arikutaka kushasha omugongo.”Bogere arikushoborora.

Bogere yaagira ngu agizireho obuteikirizana n’omukazi nyomwabazyo bwanyima y’okugaruka omuka aine esati nsya ei abaire agurire omutabani Mumbya.

“Agizire ngu ashamereire kunyegyesa ahabw’okuguma nintura n’ekinyandaro ekyanagirweho nyinakyo.”Bogere nagamba.

Omwana ogu yatwarwa omu irwariro kandi omushaho yaagira ngu omwana ogu abaasa kutunga obumuga ahabwa paraffin ei bamuteera omu kikatu.

Orikukora nk’omudumizi wa pooriisi eya Iganga,Godfrey Kalekyezi yaagira ngu omukazi naija kutwarwa omu kooti ahamishango y’okwenda kwita ku araheeze kukwatwa.

LEAVE A REPLY