Omukaikuru, 70, aitsirwe ekikunga-musisa omuri Kisoro

407
0
SHARE

N’ebya  John Masaba

Poorisi omu disiturikiti ya Rubanda omuri Burengyerwa-izooba bwa Uganda eteireho omuhiigo gw’abantu abataahiriire kandi bakaita omukaikuru w’emyaka 70 nyomwebazyo orwamukaaga.

Poorisi negira ngu Tasiime Bonekonsira, omutaka w’ekyaro kya Ntungamo omugomborora ya Ruhija aitsirwe bwanyima y’ekikoosi kumuteekateekaho kuba ari omurogi

Ekikorwa eki, nikigambwa ngu, kibeireho bwanyima y’omwishiki w’emyaka 16 omanyirwe nka Eidance Natukunda, afeereire ah’irwariro omuri Kabale nyomwebazyo ahi abanyabuzaare ba nyamwishiki beegyekyereire okufa kwe ahaburogi bw’omukaikuru.

Omumuringo gw’okumubonerereza, bataahiriire amaka ga Bonekonsira, poorisi nikwo egizire. Poorisi bongyeire baagira ngu Bonekonsira n’abandi bakye omub’eka ye babaasize kutoroka. Ekikoosi eki nikwo kucumika omuriro ahanju yaabo bakagyosya.

“Na bwanyima babaasize kuhiiga Bonekonsira ou baitiire omukyaro kya Mataka omumuruka gwa Kiyebe omu disiturikiti ya Rubanda. Omubiri gushangirwe gwine obuhuta ahamutwe,” poorisi nikwo egizire omukihandiiko eki poorisi eshohoize aha Sunday obwo bagumize ngu batungire n’ebizibiti ebibeire birimu enkoni n’omuyonga ebi bashangire ahamyanya ei mishango egi ebeereireho.

“Okucungura abantu abandi ab’eka egi kandi abakyesherekire obwo barikutiinirira amagara gaabo kukiriyo nikugyenda omumaisho, kandi n’okukwata entakimazire ezi nikugyenda omumaisho,” ekihandiiko nikwo kirikugira.

Omushango ogu guteirwe omubitabo bya poorisi ahanamba CRB 265/2021 omu disiturikiti ya Rubanda.

LEAVE A REPLY