Ekihandiiko ekirikukwikiriza kuvuga omu Lockdown kihikire; nainga oine ekicupuri?

599
0
SHARE

N’ebya John Masaba

Gavumenti eshohoize engyenderwaho ezirikuza kuhwera kushwijuma ebihandiiko ebirikwikiriza abantu batari bamwe na bamwe kukoresa ebiiruka omubiro ebi ebya Lockdown

Okurugiirira ahari Susan Kataike, omugambirizi w’ekitongore ky’eby’emirimo kandi hoona abarikukora ahaby’okuha ebihandiiko ebi, nikiija kuhwera abantu kumanya kumanya ebihandiiko ebihikire kandi kibarinde abafere abariyo nibakoresa akagisha aka kwiba abantu bwanyima y’okumanya ngu abantu nibabyetaaga munonga.

Abarambuzi omu ihanga nibateekwa kuba baine ebipapura ebi ahabw’akeeshereko akari omu ihanga.

Aharwakataano, Museveni akarangirira ebiro 42 by’akeshereko omu ihanga ryona nikwo kwihaho entambura ya boona hamwe n’ey’abantu-buntu. Amaramizo n’emyanya y’okushemerererwamu hamwe n’obuheereza obundi obutarikwetaagisibwa munonga bikakingwaho.

Ebi byona bikakorwa kukyendeeza ahamubaro gw’abarwaire ba coronavirus ogubaire nigweyongyera omu ihanga.

Oku orikubaasa kuhamya ekihandiiko ekihikire

Za ahi orikwoherereza obutumwa ahasimu yaawe. Handiikamu enamba y’emotoka yaawe eky’okureeberaho UBL345X kandi reeru oyohereze ahari 6120. Nibaija kukugarukamu. Ekihandiiko ekihikire nikiija kureeta ekigambo “Cleared” ahasimu yaawe. Kandi kyaba kitahikire nikiija kureeta “Rejected”
Hoona hariho n’ogundi muringo. Nobaasa kukoresa esimu yaawe (ezo ezirikukoresa intaneeti). Nobaasa kukoresa esimu yaawe orikureebesa kamera yaayo omukabokisi aku barikweta QR Code ahakihandiiko kyawe. Kataike naagira ngu ekihandiiko eki ku kiraabe kihikire, code egi nekureetera buri kimwe ekirikukwata ahakiiruka ekyo hamwe n’ekitongore eki ohandikisiibwemu.

Abashemereire kuba nibakora n’aba;

  • Abarikuha obuheereza bw’eby’amagara
  • Abarikukora emibazi y’ekijungu
  • Abahingi, abariisa n’abarikuha obuheereza bw’emibazi y’amatungo n’ebihingwa
  • Abarikukora omuby’amakuru
  • Ebitongore by’empurizana
  • Abarikuha obuheereza bw’ebintu ebirikukoresibwa omuka
  • Ebitongore ebirikukora ebyokurya
  • Ebitongore ebirikuha obuheereza bw’okutwarira n’okuheereza abantu ebintu
  • Ebitongore eby’empiiha
  • Amatundiro hamwe n’obutare bw’eby’okurya
  • Abarikuha obuhwezi bw’aho n’aho nka Red Cross

Kampuni z’amajuta

LEAVE A REPLY