Ab’ebihome barabwire ahabafere b’abasibe omu Lockdown

484
0
SHARE

N’ebya Jeff Andrew Lule

Ab’arikukurira ebihome aba Uganda Prison Services (UPS)barabwire abantu ahabantu abarikubeiha abanyabuzaare babasibe obwo barikubaraganisa kubahwera

Omugambirizi w’ab’ebihome, Frank Baine naagira ngu batungire okumanyisa ngu abantu bamwe entakimazire batandikire kugamba n’abanyabuzaare b’abasibe barikubashaba sente kurabira ahabuheereza obwa Mobile Money kubatungira emibiri y’abasibe baabo abarikuba nibateekateekwaho kuba baafeereire omukihome

“Buri omwe agume arabukire. Ab’ebihome tibarikukorera ahari Mobile Money ninga okushaba sente ngu omubiri gw’omuntu gubone guruga omukihome. Buriijo nitweta poorisi etwara emibiri egi omuk’abafu aka gavumenti kandi abanyabuzaare baabo buriijo nitugamba nabo,” Baine nikwo arikugira.

Nayongyera agira ngu, “Ku baraakuteerere wayohereza omuntu weena sente ahasimu ngu akuhe omubiri gw’omunyabuzaare nainga omukundwa waawe, noija kuba wazigaba omumuringo gw’okuhwera abafere abo. Kandi ekyo tikirikwija kuba ekizibu kyaitu.”  

LEAVE A REPLY