Okujanjaara kwa COVID19 kukyendeire

520
0
SHARE

N’ebya John Masaba

Omubaro gw’abantu barikuhika 1,136 nibo bahamiibwe ku bashangirwe baine akakooko ka COVID19 omubwire bw’eshaaha 24 okurugiirira ahakumanyisa okukozirwe ekitongore ky’eby’amagara orwokubanza 20.06.2021.

Eki nikyoreka ngu okuturira endwara egi kukyendeire wagyeragyeranisa n’ebyarugire omukukyebera okwa sande 19.06.2021 ahi bashangire abantu 1,367 bashamgirwe baine akakooko aka.

Habeire n’okukyendeera omumubaro gw’abarikufa kuruga ahabantu 34 kuhika ahari 20. Beitu hoona omubaro gw’abantu abarikureetwa omumarwariro gugumire ahaiguru kandi gwayeyongyera kuruga ahari 1026 kuhika ahari 1099

Okurugugiirira ahakujanjaara kw’endwara buriizooba, Kampala ebeire eine abarwaire  760, Wakiso, 107; Tororo, 54; Mbale, 46; Soroti, 32; Sironko, 35; Mbarara, 30; Jinja, 15; Kiryandongo, 11; Luwero, 9; Paliisa, 9; Butebo, 4; Amuru, 31; Arua, 3; Budaka, 3; Gulu, 2; Mukono, 2; Buliisa, 2, Mitooma, 2, Adjumani, Oyam, Hoima, Kikuube, na Masaka boona babeire baine omwe.

Aharwakataano, Purezidenti Yoweri Museveni akarangirira ebiro 42 ahi abantu bashemereire kuguma omuka kwetantara okujanjaaza n’okukwatwa akakooko aka. Museveni ayihire entambura ya boona n’ey’abantu-buntu kukyendeeza ahakujanjaara kw’endwara egi. Amaramizo, emyanya y’okushemerererwamu hamwe n’obuheereza obutarikwetaagwa munonga nabyo byemereziibwe.

LEAVE A REPLY