Omupoorisi owasindiire omu yunifoomu yatwarwa omumbuga z’ebiragiro

649
0
SHARE

Omupoorisi, ou akatambi aku abeire arimu arikunywera amaarwa omu bijwaro bya poorisi katambwire ahamikutu ya intaneeti yateebwaho emishango ahabw’emicwe erikushwazana.

Abataka b’omuri Mityana bakakwata akatambi obu Sgt. Sam Omara  yabeire nazonga n’ecupa y’amaarwa omungaro kandi akatambi aka kaketooroora emikutu ya intaneeti kandi abantu nyamwingi bakajumiirira emicwe egi.

Okurugiirira ahakihandiiko kuruga omu poorisi Sgt. Sam Omara, orikukorera ahapoorisi ya disiturikiti ya Mityana agiire omumbuga z’ebiragiro eza poorisi ya Mityana.

“Embuga z’ebiragiro eza poorisi ya Mityana eriyo nehurira omushango gw’emicwe erikushwazana ahi Sgt. Sam Omara yakwateirwe omukatambi asindiire omubijwaro bya poorisi, nikwo ekihandiiko kya poorisi kirikugira

Ku guraamusingye, Omara naija kubonererezibwa oteiremu n’okwihwaho enyota. Eki nikiijaho ahi poorisi omwaka ogu omukwezi kwa 4 erangiriire ku ebingire abapoorisi baayo barikuhika 153 barikubatura emanja z’okwegaitira omumicwe mibi hamwe n’obushomankuzi.

Omugambirizi wa poorisi, Fred Enanga, akagira ngu abapoorisi abo bakabingwa ebiro 26.04.2021 bwanyima y’akakiiko ka poorisi, akakiiko akarikuha emirimo hamwe n’ab’obushoboorozi kushutama bakakora encwamu egi.

Baingi omupoorisi bakabingwa ahabw’obushomankuzi, kandi abandi bakaihwaho emirimo yaabo ahabw’okwejumbira omumicwe mibi, erikushwazana kandi erikushiisha eiziina rya Poorisi.

Okurugiirira ahari Enanga abantu 23 bakabingwa batabainiire Mbabazi zoona bwanyima y’okuguma nibakora ebicumuro ebe eby’obushomankuzi ahagati y’omwaka gwa 2016 na 2019. Abandi bakabingwa bwanyima y’okubura ahamirimo yaabo bataikiriziibwe ekirikuhenda ekiragiro kya poorisi ekya section 44 (1) code 20 (b).

LEAVE A REPLY