Heedimasita n’abashomesa 5 bakwatsirwe ahabwa COVID19

439
0
SHARE

N’ebya Chris Kiwawulo

Mukuru w’eishomero rya Yana Day and Boarding Primary School omu kyaro kya  Kinubi, omu disiturikiti ya Hoima, akawatsirwe ahabw’ikuteekateekwaho kujeemera ebiragiro ebiteirweho kwerinda n’okurwanisa okujanjaara kw’endwara ya COVID19.

Omugambirizi, Fred Enanga, agizire ngu Juliet Ndibalekera, orikwebembera eishomero rya Yana Day and Boarding Primary School omukyaro kya Kinubi, akwatsirwe n’abandi  5  ahabw’okubura kukuratira ebiragiro bya COVID19.

Enanga agizire ngu abashomesa aba ni; Cissy Nankabirwa, Benard Kyaligonza, Aklo Ntebenkere, Ronald Naisito and Fredrick Mukasa. Naagira ngu aba bashangirwe barikushomesa abeegi 11 omubuhenda –biragiro n’obu gavumenti yakingireho eby’emishomo omumashomero.

“Emicwe nk’egi negamba kihango ahamitwarize y’abantu, ahi orikushanga turi omumbeera egumire kwonka hakiriho abantu abakiriyo nibakwata eijaga amagara gaabo batarikwenda kumanya embeera mbi ei turimu obwa hati. Nitwija kubakora aho abo boona abarikhenda ebiragiro bya COVID19 turikubataho emitango hamwe n’ebindi bibonerezo nk’oku kirikwetaagisa,” nikwo Enanga agizire nyomwebazyo ebiro 14.06.2021

Embeera y’endwara ya COVID19 hati

Ebiro 14.06.2021 ekitongore ky’eby’amagara kitungire abarwaire 1,122 kuruga omukukyebera okwakozirwe ebiro 12.06.2021 nikwo kureetera omubaro gw’abarwaire omu ihanga gwahika ahari 63,099. Ahari aba, abarwaire 920 bari ahabitanda omumarwariro gatari gamwe na gamwe. Omubaro gw’abantu barikuhika 434 nibo baitsirwe endwara egi kandi 786,160 nibo bagyemirwe.   

Omubaro gw’abantu abarikukwatwa COVID19 gubaire nigweyongyera enshumi nkye ehingwire bwanyima y’okubarukaho kw’endwara egi ey’omuringo ogwakabiri kuruga UK, India, South Africa na Nigeria. Okutaanaho COVID19 eyabandize eyakomookire China, omuringo omusya ogu nigukwata n’abaana bato     

Okwerinda, okurugiirira ahari Purezidenti Museveni

Endwara ensya eya COVID19 egyemesereize Purezidenti Yoweri Museveni kutaho ebiragiro ebiro 06.06.2021 ahi yahigire abanya Uganda boona kubikuratira kurwanisa endwara egi erikuguma neyeyongyera bwakiire-bwaizire kitari ekyo naija kukinga eihanga ryona.

Omubiragiro ebi harimu okugira ebicweka 30 byonka ahari 100 omubakozi abarikuza omu ofiisi z’ebitongore; abandi bashemereire kuba nibakorera omuka. Museveni akakingaho amashomero, amaramizo kandi yaihaho n’entabura ezirikurenga omumadisiturikiti.

Omukugamba kwe, Museveni akagira ngu abo boona abarikuhenda ebiragiro ebi nibaija kuha emitango ei yaagizire ngu Minisita w’eby’empiiha naija kutaho emihendo yaazo.

Ebindi biragiro birimu okukuratira engyenderwaho ezaateirweho ekitongore ky’eby’amagara nk’okunaaba engaro, okujwara masiki hamwe n’okwetantara okuhikaana n’abantu

Okurugiirira ahari Purezidenti Museveni okwihaho ekizibu kya COVID19 n’okugyema abantu kandi gavumenti eyorekyereire kugyema miriyooni 4 n’emitwaro 80 y’abanya Uganda batakaihireho ebiragiro ebiteirweho.

Nibaija kutandika n’abo abebembeire omukurwanisa ehururu egi abarimu; abashomesa, ab’eby’okwerinda n’ab’eby’amagara. Abantu abaine emyaka 50 kugaruka ahaiguru abaine obundi burwaire omumagara gaabo nka shukaari, omutima na siriimu nabo nibaija kuheebwa omugisha gw’okubanza kugyemwa

LEAVE A REPLY