UPDF etandikire kukora ebyoma bya Oxygyen

499
0
SHARE

UPDF etandikire kukora ebyoma ebirikukora omwoya ogwa oxygyen bwanyima y’okweyongyera kw’abarwaire ba COVID19 omu marwariro abarikwenda oxygyen.

Aha rwakana, ebiro 10.06.2021, abahangu kuruga omu kitongore eky’emibazi ekya National Drug Authority hamwe n’ekitongore ekirikushwijuma omutindo gw’emishuuburo ekya UNBS, bakataayaayira eikorero omuri Nakasongora-Luwero nikwo kubaikiriza okugumizamu nibakora ebyoma ebi kubaasa kuhwera abantu.

Omugambirizi w’amahe aga UPDF, Brig.Gen Flavia Byekwaso eizooba erya nyomwabazyo agizire ngu NEC ereebire ekyetengo oku amarwariro hamwe n’abantu barikwetenga oxygyen nikwo kutandika kukora ebyoma ebirikukora omwoya ogu.

Kandi agizire ngu hati batandikire okuheereza amarwariro nka Bombo kandi batungire okushaba kuruga omu irwariro erikuru erya Mulago.

LEAVE A REPLY