Enyonyi y’amahe etwaire omushaho oine COVID19

553
0
SHARE



N’ebya Adolf Ayoreka

Abataka omururembo rwa Mbarara basigaire ebyara babiteire omunyindo bwanyima y’omushaho orikugambwa kuba oine akakwate na Baylor College of Medicine children’s foundation kandi hoona obaire natunga obujanjabi bwa Covid19 ahairwariro erya Mbarara Regional Referral Hospital kutwarwa Kampala omunyonyi y’amahe ga UPDF kwongyera kutunga obujanjabi

Amakuru nigagira ngu omushaho amazire ebiro omukicweka eki abrikujanjabiramu Corona kuhisya nyomwebazyo 08.06.2021 ahi amagara gagumeizemu garikweyongyera kuba kubi nikwo kutwarwa Kampala omunyonyi omu irwariro ritari rya Gavumenti

Enyonyi ebandize yayetooroora omumwanya ahakishaayi kya Mbarara University of Science and Technology erikugyezaho kuteekama nikwo abataka na munonga aba boda boda kwerundaana kureeba ekibeire kiriyo nikiza kubaho.

Ku ebeire yaaheza eti kuteekama abantu bagyetooroora barikuteera ebishushani kandi omukaire emotoka z’eby’amagara kuruga omu irwariro rya Mbarara ziija zirikuteera obude zaahika ahi enyonyi ebaire eteekami.

Abashaho ababeire bajwaire ebijwaro by’okwerinda, birikwera baashohora bakiriize omurwaire ahakatanda kandi hoona oizire akamanywa nk’omushaho wa Baylor Uganda children’s foundation ekitongore empabuhwezi ekirikushangwa omuri Kampala, Uganda.

 Dr. Celestine Barigye, mukuru w’erwariro rya Mbarara Regional Referral otenzire kugamba amaziina g’omurwaire agizire ngu omushaho ogu abeire amazire ebiro 4 arikutunga obujanjabi bwa Covid kandi ngu ari omumyaka 45

“Titurikubaasa kugamba bingi ahamurwaire ogu kwonka eki ndikubaasa kubagambira n’okugira ngu atweire natunga obujanjabi bwa Corona kandi embeera ku eyeyongyeire kuba kubi yatwarwa Kampala omunyonyi,” Barigye nikwo agizire.
Ahamize ngu abantu 4 nibo bafeire ahairwariro obwa hati ahari Mbarara Regional Referral Hospital.

“Obwa hati abantu 80 nibo barikujanjabirwa omuka kandi abarwaire 17 nibo twine omukicweka eki turimu nitujanjabiramu Corona ah’irwariro omwanya ogu turikujanjabiramu abarwaire baitu abarikuba barikubi munonga. Omukaire ka wiiki 2 tufeereirwe abantu 4 kwonka hati abu turiyo nitujanjaba embeera yaabo eriyo nebaasika wagyeragyeranisa n’ab’akakooko akaabandize ahi twafeereirwe abantu 49,” Barigye nikwo agizire

Agizire ngu nibeyongyera kutunga abarwaire abandi aba Covid-19 ngu kandi abo abarikuba baine obumanyiso hoona batarikubi bariyo nibajanjabirwa omuka owaabo

“Covid19 eriho kandi neyita kandi reka abantu baitu bagume nibakuratira engyenderwaho ezaateirweho ab’ekitongore ky’eby’amagara kandi abo abarikubaasa kutunga okugyemwa, mutakaarindiriza,” Barigye nikwo agizire.

Col James Mwesigye, orikujwekyera Purezidenti omuri Mbarara City kandi orikukurira akakiiko akaateirweho kukora emirimo y’okurwanisa endwara ya COVID19 naagira ngu Gavumenti eine enteekateeka z’okureeta amahema amahango agarikubaasa kuzamu abarwaire 300 na munonga omumarwariro amahango ag’ebyanga nk’oku mukuru w’eihanga yaaraganeise.

“Twine amatsiko ngu ebi byona ebi gavumenti eriyo neekora nibiija kutubaasisa kujanjaba abarwaire hoona abantu tibashemereire kwiha omaani omukwetantara n’okwerinda endwara egi nk’oku ebiragiro bya gavumenti birikugamba,” nikwo Mwesigye arikurabura.

LEAVE A REPLY