COVID Ensya: Omuntu omwe naaturira 100 aho n’aho

60
0
SHARE

COVID19: Omuntu omwe nabaasa kuturiza abantu barikurenga 80 – Ab’eby’amagara

Omuringo musya ogw’endwara ya corona, omuntu omwe oine endwara egi nabaasa kuturiza abantu bari ahagati ya 80 na 100, ab’ekitongore ky’eby’amagara nikwo  barikugira

Hariho entaaniso mpango ahabi abanya sayansi baagambire omukubanza obu endwara egi eija ahi omuntu yaabeire nabaasa kuturira abantu 21 kuhisya 39. 

Aha mukutu gwabo ogwa Twitter, ab’ekitongore ky’eby’amagara bagizire ngu akakooko akasya aka kariyo nikajanjaara omubwira bw’amaani kandi nikaitira kimwe n’ahabw’ekyo abantu nibashabwa munonga kureebeka ngu baaguma omuka mpaka. 

Orwakabiri orwa wiiki egi okwamukaaga 2021 bahabwire abakozi b’eby’amagara abarikukora ahabrwaire ba COVID19 kwongyera ahakweshweka ahamaisho kwetantara okukwatwa akakooko aka kuruga omubarwaire abu barikuba nibajanjaba

Omukakooko aka akasya, eihanga ryeyongyeire omumubaro gw’abantu abarwaire n’abafeire omukaire kakye munonga.

Ahabiro 06.06.2021, omubaro gw’abakwatsirwe endwara gubaire gwahikire 54,669 kandi abafeire nibahika 388. Disiturikiti eziteirwe munonga endwara egi ni Wakiso, Moroto, Gulu, Tororo na Busia. 

LEAVE A REPLY