Aitsirwe bwanyima y’okunywamu n’owaabeire ari omukundwa we – Kisoro

127
0
SHARE

N’ebya Eddie Ssejjoba

Poorisi omuri Kisoro etandikireho okucondooza, nyomwebazyo eizooba ry’orwokubanza 07.06.2021, omumushango ogu omukazi ateekateekirweho kuba aitsirwe bwanyima y’okumara omwabazyo gwona omubaara arikunywa n’owaabeire ari omukundwa we.

Eki kibaireho ekiro kya Sande aha omukyaro kya Kamatinza omugomborora ya Nyakabande omuri Kisoro. Omubiri gwa Teopista Nyinamahoro, 45, omukazi w’omuka gukabanza kureebwa iba, Innocent Musaba, 46, ahari shaaha nk’emwe z’akasheshe guri omu mita nka 700 haihi n’amaka gaabo.

Omugambirizi wa poorisi  y’ekyanga kya Kigezi Elly Maate agizire ngu omushango gw’obwitsi guhandiikirwe ahanamba CRB 285/2021.

Naagira ngu nyakufa nagambwa kuba aitsirwe abantu abatakamanyirwe hoona okucondooza kuriyo nikugyenda omumaisho kukwata ababisha aba.

Okurugiirira ahari Maate, iba w’omugyenzi agambeire poorisi ngu abeire nasherura omukazi we hoona otabaasize kugaruka omuka omumwabazyo gwa Sande kandi tabaasize kureebekaho ekiro kyona.

Nikigambwa ngu omugyenzi akaruga omuka owe yaaza omurukiiko omukatauni ka Mucha ahi yaahikire shaaha nka 11 z’omwabazyo.

Abataka bagambeire poorisi ngu orukiiko rw’ekibiina ky’ekyaro rukahendera nk’ahari shaaha 1 z’omwebazyo kandi ku rwahwaire ba memba bagyenda kwonka Nyinamahoro akaija yareebwaho bwanyima aine Jackson Nizimaana, owaabeire ari omukundwa we enyima kandi omutaka w’ekyaro kya Musezero kandi omwebembezi w’ekibiina

Ababiri aba bakareebwaho barikunywera omubaara ya Innocent Ssebuyuka kuhisya shaaha 4 gw’ekiro ahi eshaaha za curfew zaahikiire bakaruga kumwe omubaara

Okurugiirira ahari Poorisi, nyakufa akaba aine obutaikirizana n’iba agumize ngu iba aine ari omumibonano n’abakazi abandi. Ah’izooba eri yaafeereiremu, omushaija we, owaasigaire omuka, akaba arugire Kampala ahi arikukorera.

Baingi nibaikiriza ngu nyakufa akaitwa nyekiro arikugaruka omuka omushaaha ezitarikumanywa

Omubiri gwe, poorisi neegira, ngu gubaire gwine ebikaba by’eshagama obicweka by’ekihama kwonka tihaine buhuta bwona obubaire bumuriho akamanyiso akarikworeka ngu bakamuniga.

LEAVE A REPLY