N’ebya Charles Etukuri
Owaabeireho omwebembezi w’ekibiina ky’orubaju oruhakani ekya Forum for Democratic Change Rtd Col. Dr Kizza Besigye, ari omururembo rwa Somaliland orukuru, Hargeisa, nk’omwe ahabarikureebuuza eby’oburuuru kureeba oku oburuuru bw’eishengyero hamwe n’obwa gavumenti z’ebyanga burikuteerwa
Omuhwezi wa Besigye agizire ngu enteekateeka egi etebeekanisiibweho ekigombe ekya The Brenthurst Foundation kyebembeirwe owaabeireho omuhwezi wa mukuru w’akakiiko k’amahanga ga Afrika ageeteeraine, Erastus Mwencha n’owaabeireho mukuru w’eihanga rya Sierra Leone, Ernest Bai Koroma n’orikwebembera Brenthurst Foundation, Dr. Greg Mills.
Agizire ngu Brenthurst neshagika enkora nungi omuby’esente, obwebembezi bw’abantu hamwe n’entunguuka ya Afrika
“Somaliland, eihanga eritwire niryetegyeka kuruga obu riruga ahari Somalia omugwa 1991, ritwire niritaho oburuuru obwa boona,” Muhinda nikwo agizire.
Muhinda hoona agizire ngu hariho entebe zirikuhika 82 ez’okwesimwaho ebibiina 3 eby’obutegyeki hamwe n’entebe 522 eza gavumenti z’ebyanga.
“Gavumenti ya Somaliland ekaba etakatwarizibwa ga nk’eihanga eryetongoire n’obu baraabe batwire n’obusingye n’obwebembezi oburikuruga omubantu. Kandi riine enkoragana n’amahanga agandi,” Muhinda nikwo ayongyeireho.
Omubutongore, Somaliland n’eihanga eryayerangiriire ku ririkwetegyeka omuri burugwa-izooba bw’amatemba ga Afrika
Besigye akesimba ahabwa Purezidenti emirundi 4 arikubanza n’ekikoosi ekya Reform Agenda omugwa 2001 na bwanyima ekibiina ekya FDC ei Purezidenti Yoweri Museveni yaagumire naamusinga
