Capt.Kagulile George William afeereire ahamyaka 95.

335
0
SHARE

N’ebya Samuel Mugabi

Abaturagye omu disiturikiti ya Kiboga nibacuura bwanyima y’okuffa kw’owabaireho omuhwezi wa RDC waabo,Captain Kagulile George William.

Kagulile akaffa Orwamukaga ebiro 23/5/2021 aha myaka 95.

Ogu akakora nk’omuhwezi wa disiturikiti ya Kiboga kuruga 2008 kuhitsya 2009 nikwo kuheza akaza kukorera Kalangala.

Omubiri gwa Captain Kagulile George William nigwija kuzikwa eriizooba omukyaro ekya Kagobe,egomborora eya Kapeke omu disiturikiti eya Kiboga.

Omugyenzi nagambwa kuba yabaire omwe ahabantu abazahwiire eihanga kandi akahweera Purezidenti Yoweri Museveni.Ogu akaba ari aha rurengo rwa Captain atakahumwire aha mirimo ye.

Kagulile nagambwa kuba yabuzire amaani nikwo kwirukangizibwa omu irwariro erya Bombo ahu yafeereire omwabazyo gw’Orwamukaga.

LEAVE A REPLY