Orikugambwa kuba naabuzaho abaana atwairwe Kampala

440
0
SHARE

N’ebya Charles Etukuri

Poorisi nyomwebazyo ehamize ku eboine ebipapura ebirikushaba kureeberera abaana, eby’okushohora eihanga hamwe n’enamba za motoka ez’ihanga rya Sudan ey’amashuuma kuruga omunju ya Yunusu Bakaki orikukira kumanywa nka Kabbu hoona orikuteekateekwaho kubuzaho abaana.

Ebintu ebi bitungirwe bwanyima ya poorisi kucaaka amaka gye 3 omu tauni kanso ya Elegu bwanyima y’okukwatwa kwe aharwamukaaga. Bakali hoona nabwo atweirwe ahapoorisi ya Jinja bwanyima ahi abeire ari ow’okugamba buri kimwe eki arikumanya ahakubuzaho abaana.

Bakaki akakwatirwa omu tauni kanso ya elegu bwanyima y’okutoozibwa ab’eby’okwerinda. Omushaija ogu ow’emyaka 44 hoona akareebekaho omukatambi k’ekitongore ky’amakuru ekya BBC AKA Chris Rogers omugwa 2011 akaayetooroire emikutu yoona ahi yagambirweho nka mukuru w’ebikoosi ebirikubuzaho abaana omu Uganda bikabakoresa omuby’obufumu hamwe n’endiijo mirimo etashemereire.

Omukatambi kagufu aka, Bakaki naahurirwa arikugambira omushaki w’amakuru owa BBC n’omwehuriro mwingi nk’oku ayine abaana barikumara.

“Nyine abarikumara. N’okutunga 100 tinkiinemu buzibu. Ningamba n’abantu baingi kwetooroora eihanga ryona,” Yunus naahurirwa omukatambi arikugambira omunyamakururu wa BBC.

Na bwanyima akaija yaabuganaho aba BBC aha hoteeri emwe eyekiikire arikushoboorora oku agurize abaana omu ihanga n’aheeru kukoresibwa omuby’obufumu kumara emyaka 20. Omukatambi aka naashoboorora oku arikutunga abaana aba agumize ngu, “Nikirugiirira oku orikuba noyenda ngu kikorwe. Nimbaasa kukutwara omu ka emwe. Tinkiinemu buzibu okutunga omwana omubutongore. Hariho omuhanda ogu kirikukorwamu omukihama, okahamba omwana  okamutwara.”

Oumukubuganaho ahamurundi gwa kabiri, abanyamakuru aba bakabuuza Yunus yaaba abapoorisi nibabaasa kubareetera ebizibu, beitu nikwo kubagarukamu ngu, “Nikirugiirira.Nyine kutungayo enju omumwanya gwehereire tukabaasa kutwarayo abaana poorisi ahi etarikubaasa kubashanga.”

Na bwanyima akashaba sente zirikuhika 10,000 (obwire obwo zikaba ziri miriyooni 45 omu za Uganda) ahabw’omwana omwe ekyareeteire abanyamakuru kubireka. Aharwokubanza, omugambirizi wa poorisi, Fred Enanga, akagira ngu bakaba batakakwatsire Yunus ahabw’okuba aba BBC bakaba batakabahaire akatambi aka

LEAVE A REPLY