Omushomesa afeire arikukyebera ebigyezo bya UNEB

696
0
SHARE

N’ebya Eddie Ssejjoba

Poorisi omu disiturikiti ya Mukono bariyo nibacondooza ahakufa kw’omushomesa ofeire ekitaraariraine obu abeire ari ahamurimo n’abandi ah’ishomero rya Seeta High ahi abeire aine abandi barikukyebera ebigyezo.

Robert Wadribo, 45, omushomesa kandi orikukora ahabigyezo nagambwa kuba afeire aharwakabiri omumwabazyo shaaha nka 3, okurugiirira ahamuhwezi w’omugambirizi wa poorisi eya Kampala Metropolitan, Luke Owoyesigire.

Achieri Gardma, 55, omushomesa kandi hoona nawe orikukyebera ebigyezo agambeire poorisi ngu nyakufa abeire arwaire kandi abeire aine obuzibu omukwisya kwe kumara akaire.

Agizire ngu wiiki ehweire bamutwaire ah’irwariro rya St. Francis Nagalama omu disiturikiti ya Mukono kuragurizibwa kandi ku yaakizire yaagarurwa ah’ishomero.

“Kwonka ekitangaarize abakyebeze bataahi be, ebiro 18 okwezi oku, abaire natamba-tambura omumbuga z’ishomero nikwo kugwa ahansi. Bataahi be bamwihireho aho n’aho, basherura motoka kumutwara omu irwariro kwonka afeire atakahikireyo,” Owoyesigire nikwo agizire.

Abapoorisi bateirwe ah’ishomero kucondooza ahari eki. Omubiri gwa Wadribo na bwanyima gutwairwe omuk’abafu ahari Mulago kwongyera kukyeberwa.

Abeire ayebembeire ekikoosi eky’orujungu.

Nikigambwa ngu Wadrigo, ou eishomero rye ritabaasize kugambwa, afeire orwakashatu shaaha nka 4 z’ekiro.

Nikyongyera kugambwa ngu ashangirwe agwire ahi barikwogyeza emyenda omu ishomero.

Okufa kwe kutangaarize abakyebezi bataahi be kwonka eishomero ribaire ritaine eki ruagambire ahanshonga egi

LEAVE A REPLY