Deputy Sipiika w’ishengyero yakwatsa ebikwato bya offisi karaani wa paramenti

293
0
SHARE

N’ebya
Charles Etukuri

Obaire ari omuhwezi wa sipiika wa paramenti,Jacob Oulanyah eriizooba yakwasa offisi ye karaani wa paramenti.

“Eriizooba nahayo ebikwato byangye ebi nahairwe nk’omuhwezi wa Sipiika w’ishengyero.Eri n’eizooba ryangye ry’ahamuheru nk’omunyeishengyero kurugirira aha ngyenderwaho y’eihanga iteeka erya 77:3 n’akashonshorokye aka 82:7(d).Tinkiri muhwezi wa Sipiika w’ishengyero.
Nyegire byingi omu ncuuro yangye ei naheeza kandi ninsiima abanyeishengyero ahabw’okumpereza omugisha ogu.”-Oulanyah

Jacob Oulanyah abaire aheerize emyaka 10 arikukora nk’omuhwezi wa Sipiika wa paramenti kandi obwahati nayenda entebe ya Sipiika ei arikuritana n’obaire ari Mukama we,Rebecca Alitwala Kadaga.

Akakiiko akakuuru ak’ekibiina ekya NRM aka CEC aha rwokubanza kakaremwa kutoorana ahagati ya Kadaga na Oulanyah oraabe Sipiika w’eishengyero nikeo kuheereza ba memba b’ekibiina omugisha gw’okwetaba omukaruuru aka.

Ceyamaani w’akakiiko k’eby’oburuuru ak’ekibiina ekya NRM,Dr Tanga Odoi ashabire ba memba abarikwenda kwetsimba ahabwa Sipiika w’ishengyero n’omuhwezi we kwehandikisa kutandika eriizooba kuhisya Orwakataano.

CEC neija kugiraho orukiiko Orwamukaga kushwijuma abetsimbire babone kuhayo encwamu yaabo.

Sipiika w’ishengyero hamwe n’omuhwezi we nibeija kutooranwa paramenti Orwokubanza ebiro 24/5/2021 omukushutama kwabo okw’okubanza.

LEAVE A REPLY