Omushango gw’okufa kwa Kaweesi n’ogw’okuhurirwa nyencakare

638
0
SHARE

Okuhozesibwa kw’abashaija 8 abarikujunaanwa omushango gw’okwita owabeireho omuhwezi wa mukuru wa poorisi, Andrew Felix Kaweesi nikutandika nyencakare orwakabiri.

Okuhurira omushango ogu kubaire kuri okw’okutandika eriizooba orwokubanza beitu hoona omuramuzi Duncan Gaswaga owa International Crimes Division ahakooti enkuru agyemesereziibwe kwongyezayo omushango ogu ahabw’okugira ngu omureeberezi wa kooti, Stella Beatrice Atingu, tarikwehurira kurungi.

“Hati obu omureeberezi wa kooti atarikwehurira kurungi, omushango gwayongyezibwayo aharwakabiri kuhurira,” Gaswaga nikwo yacwamu.

Kaweesi akaitwa omugwa 2017 okwakashatu omumwanya oguhereire orurembo rwa Kampala ogwa Kulambiro omu diviijoni ya Nakawa, we n’omurinzi we Kenneth Erau n’omuvugi we Geoffrey Mambewo.

Akaitirwa haihi n’amaka gye obu yaabeire naaza ahari Uganda Christian University omurukiiko.

Abantu 22 abarikuteekateekwaho bakareebekaho omumaisho ga kooti bwanyima y’okwitwa kwa Kaweesi beitu hoona 8 nibo batwairwe omu kooti enkuru ahabw’omushango ogu.

Aba ni Abdul-Rashid Mbaziira, Aramanzani Noordin Higenyi, Yusuf Mugerwa, Bruhan Balyejusa, Joshua Magezi Kyambadde, Jibril Kalyango, Yusuf Siraje na Shafik Kasujja.

Mbaziira na Higenyi bakikwatsirwe ahabw’okuteekateekwaho kuba nibabuzaho abaana omumushango oguri omukooti enkuru eya Mukono kandi abandi bakeemerererwa.

Ebiragiro bya kooti eya International Crimes Division nibiragiira ngu omuntu oteirweho omushango abanze areebekyeho omumaisho g’omuramuzi omwe kushwijuma yaaba obujurizi oburiho nibumara kureebeka ngu omushango gwe gwahurirwa.

Omuramuzi omwe ogu ku arikuhurira ngu obujurizi ti bw’amaani kuta omushango ahari kukora omushango ahari kitabaarizibwa, aine obushoboorozi kumwihaho omushango.

Kooti ku erikushanga ngu obujurizi nibumara, kitabaarizibwa nareetwa omumaisho g’abaramuzi bashatu kuhurira omushango gwe.

LEAVE A REPLY