Ab’ez’obugaari nibetaaga 194m kwejumbira omuza Tour de Lunar

660
0
SHARE

N’ebya Nicholas Kalyango  

Tiimu y’eihanga ey’okuvuga obugaari eri omukwetebeekanisa ogw’ahamuheru obwa hati ebyara babiteire omunyindo bwanyima y’abarikubakurira kukihamya ku bakirikwetaaga sente zirikwingana miriyooni 194.

Ekikoosi ky’abavugi 18 baine kutandika orugyendo rwabo omu wiikendi egi kwetaba omumpaka ezirikuza kumara ebiro 5 omu ihanga rya Sierra Leone ezirikuza kubaho ebiro 15 kuhisya 18 okwezi oku. Batakamanyire makuru aga, abavugi aba nibwo babaire baaruga Kabale omuutendekwa kwa wiiki 3

Orikwebembera abazaani, Aziz Ssempijja naagira ngu, “n’obu haraabe hariho eibura rya sente, itwe nk’abavugi tweteekateekire kugyenda kandi tukahanika ebendera y’eihanga. Tutungire okutendekwa okurikumara kubaasa kuhayana n’agandi mahanga.”

Ssempijja hoona nayongyera ashaba gavumenti na munonga Purezidenti Museveni kushagika omuzaano ogu ahabw’okuba gwine amaani maingi agarikubaasa kwereeza ebendera ya Uganda ekaguma eri ahaiguru munonga.

Empaka ezi eza Tour de Lunar ni zimwe ni zimwe ahakizinga kya Africa ezirikworeka orurengo rw’amahanga kandi Uganda neyetaaga kuzejumbiramu kutunga obubonero bwingi. Eki nikiija kuhwera abavugi kuguma nibeetwa omumpaka empango aharurengo rw’ensi yoona.

Uganda ekahenderera omumwanya gwa 5 omumpaka eziherize kuhwa omuri Misri eza Africa Road Race Championship okwezi okuhwaire. Obwa hati Uganda eri omumwanya gwa 9 omuri Africa kandi n’eya 74 omunsi yoona.

LEAVE A REPLY