Embeera ei Sula Kato arimu neyerarikiriza ab’eka

1110
0
SHARE

N’ebya Samson Ssemakadde

Owaabeireho kookiwa kiraabu ya SC Villa n’eya Victors Sula Kato kandi orikwetaaga obujanjabi bw’aho n’aho ataayayeirweho ababeireho abazaani ba Uganda Super League.

Abazaani nka Iddi Batambuze, Steven Bengo (SC Villa), Juda Mugalu (Victors), Isaac Okolimo (Entebbe Young), George Kagugube (Express) hamwe n’owaabeireho omutendeki mukuru ahabwa tiimu ya Victors, Emmanuel Kiwalabye bagiire omumaka ga Sula Kato omuri Buddo, Nakisozi omu disiturikiti ya Wakiso ahi batwire ebintu nk’enshaho z’obuhunga, ekitookye, emiti ya sabuuni, shukaari, buto hamwe n’ebindi ogaitsireho shiringi 200,000

“Embeera ei Sula Kato arimu ti nungi ahabw’okuba nayetaagwa kutwarwa omu irwariro kandi itwe nka bamwe omubazaani ba ‘All Stars Kampala Association’ (ASKA) tugyerizeho kumuhwera ahabw’okuba nitumutwaramu nk’ish’itwe kwonka nituteerera omuranga abo boona abarikubaasa kutuha obuhwezi kumuhwera tukakikora,” Musa Kafeero omuhwezi wa mukuru w’ekibiina eki ekya ASKA nikwo arikugira.

Kijubwe we Mariana Ndagaano kandi orikumureeberera naagira ngu nyinarimi naayetaaga kutwarwa omu irwariro kutunga obujanajabi kwonka bo eka tibaine sente ezi eirwariro ryashabire. Ekindi nayetaaga okuhuumurizibwa hamwe n’okuhaburwa ahabw’okuba aine ekizibu ky’okunywa kandi nikyo kyareetsire oburwaire bwona obu aine

LEAVE A REPLY