Butandu endiijo omuri Ntungamo

1763
0
SHARE

Poorisi omuri Ntungamo bari haihi kujumbura ekyareetera butandu yaaba aharuguuto nyigyendwa orwa Kabale – Mbarara.

Butandu egi yaaba erimu motoka y’ekika kya Toyota Forester ehandiikirwe omu namba No. UBG 716Z  eyaaba neevugwa Dr. Godfrey Twesigomwe owa Kanungu hoona owatunga obuhuta bw’amaani.

“Eky’omugisha omurungi tiyaafa. Yatunga obuhuta kandi yatwarwa omu irwariro erya Mbarara Regional Referral Hospital ahi ariyo natunga obujanjabi  omu ICU” Samson Kasasira omugambirizi wa poorisi y’ekyanga ekya Rwizi nikwo yaagira obwo arikumanyisa ab’amakuru.

Poorisi ya Rubaare yaahika ahamwanya ogu ahi yaayiha motoka eyagwa omuri Butandu obwo okucondooza kurikugumizamu omumaisho

Butandu egi neijaho bwanyima y’eshaaha nkye obu abantu babiri abaaba bari omumotoka ehandiikirwe omu namba ya UBG 004Y baafa bwanyima ya motoka egi kuhiringita ekeerabamu emirundi mingi

#WestUpdates

LEAVE A REPLY