Ab’amakorero amakye baashaba gav’t kubakwatiraho

1287
0
SHARE

Evans Atwine, Mbarara.

Abakazi abarikwegaitira omu kibiina kya Uganda Small Scale Industries Association ahabw’ekicweka ekya “Burengyerwa-izooba omumashuuma” bajaguza ekiro kikuru ky’abakazi nk’omuringo gumwe gw’okugaruzamu amaani.
Ekiro ky’abakazi omu ihanga nikijaguzibwa buri mwaka ebiro 8 by’okwezi kwa kashatu baitu bakijaguza eriizooba ebiro 06 kwenda kwetebeekanisiza okujaguza okw’ihanga ryona.

Ekibiina eki kirimu za guruupu z’abakazi ezirikurenga omuri 100 kandi nibashomesa abakazi okukora ebintu by’emikono ebirimu okubaziira ebiharaani, okuteeka za keeki eza buri muringo, za viinyo eza buri muringo n’ebindi.

Mary Twiine, mukuru w’abakazi w’abakazi omu kibiina eki yaashoboorora ngu nibakora n’emasowani kuruga omu mahembe g’ente, kandi nibagaruka bakora ebigyega kuruga omu bushekye obu abantu barikunywisa za soda n’ebindi.

Mary ashoboraire ngu nk’akabazi okwega ebintu by’emikoono bibayambire munonga okwetungura omu by’entatsya n’maka gaabo,okutambura okwetorora eihanga ryoona bari okwega.Ngu kandi tibakishutama aha muryango ngu bategyerize abashaija kubareteera obuveera bw’eby’okukoresa omu maka gabo kureeka hati nibakwataniisa omukwehitsyaho buri kimwe ekirikwetagisha.

oomuhangi Betty omwe omu beebembezi b’ekibiina eki yaashoboorora ngu we akatandikisa emitwaro 2 yonka kwonka abaasize kushomesa abaana be boona kuruga omu kukora ebintu by’emikono.
yashoborora ngu n’ebintu bye biraguzibweho na Roma ahi yaihire sente nyingi.

Abakazi baashabire Gavumenti okubayamba okubaheereza ebyoma by’okwongyera omutindo aha bintu byabo n’okubakwatiraho omu kintu ekikwatiraine na sente okugira ngu beyongyereyo omu kushomesa buri mukazi okwetunguura.

Abakazi abarimu baagaruka bashaba Purezidenti Yoweri Kaguta Museveni ngu nk’okuyarwanire okubaiha ahansi akabateeka aha rurengo rumwe n’orwabsshaija, agarukye abakwatireho abaheereze entandikwa omuringo gwa rooni reero bakore barikushashura mpora-mpora.

LEAVE A REPLY