Gen. Muhoozi yasiimwa ambasada wa Italy

1212
0
SHARE

Entumwa y’ihanga rya Italy omu Uganda Massimiliano Mazzanti yasiima Gen Muhoozi Kainerugaba ahabw’okworeka okushaasha kwe hamwe n’okwohereza obutumwa bw’okusaasira obu aheereize aba Italy bwanyima y’okurugwaho entumwa y’ihanga rya DRC.

Luka Attanasio, 43, afeereire omu irwariro bwanyima y’ekikoosi ky’emotoka z’ekibiina ky’amahanga ageeteeraine eki abaire natamburiramu kutaahirirwa abanya-mbundu haihi n’etauni ya Goma omuri Burugwa-izooba bwa Congo.

Ekikoosi eki ambasada abaire arimu kimanyirwe nk’eky’orubaju orw’ebyokurya omukibiina eky’amahanga ageteeraine.

Omuserikare omwe hoona nawe ow’oburugo bwa Italy kandi obaire naatambura n’ekikoosi nikyo kimwe nawe aitsirwe.

“N’obusaasi bwingi ekitongore ky’eby’enshonga z’aheeru nikihamya okufa kw’entumwa y’ihanga rya Italy, eriizooba omuri Goma,” ekihandiiko kuruga omukitongore ky’enshonga z’aheeru nikwo kirikugira

“Emotoka zitaahiriirwe abanyambundu 6 ababandize bakateera amasasi g’okwemereza motoka ezi na bwanyima nikwo kwihamu abantu ababaire barimu bakabatwara omu irindiro ry’enyamaishwa erya Virunga.

Aho niho abarinzi b’eirindiro eri bataahiiremu nikwo kukiza amagara g’abantu 4, beitu eky’omugisha mubi ambasada n’omurinzi we hamwe n’omuvugi w’ihanga rya Congo bateirwe amasasi omukutandika kw’okurwana oku obwo abanya-mbundu batakahungire” gavana w’ekyanga ekya Kivu ey’amatemba, Carly Nzanzu nikwo arikugira.

Ekitongore ky’eby’okurya omunsi yoona ekya World Food Program kimanyiise ku Attanasio abeire naaza omukyaro kya Rutshuru aharutaayaayo orurikweyegyekyerera ahamashomero.

Okugamba kwa Gen. Muhoozi na Ambasada Mazzanti kwaba ahamukutu gwa intaneeti ogwa Twitter.

#WestUpdates

LEAVE A REPLY