Nobaasa kwihayo eza NSSF otakahuumwire

1044
0
SHARE

Estar Lisa Ahurira

Eishengyero rihingwize ekiragiro ekirikwikiriza abakozi abarikubiika n’ekitongore kya NSSF kwihayo sente zaabo n’obu baakuba batakahuumwire emirimo yaabo.

Ekiragiro eki kihinguziibwe nyomwabazyo orwakashatu 17.02.2021 bwanyima y’okumara ameezi kirikuhaajaanwaho

Obushonshorekye obwingi omukiragiro eki bubaire bwahinguziibwe eishengyero kandi ekibaire kisigaire kibaire kiri obushonshorekye bubiri obu eishengyero ribaire ritakaikiriize.

Akashonshorekye akaine akakwate n’omuntu kubaasa kutunga sente ze atakahuumwire hamwe n’okucwamu abashemereire kujunaanwa ekitongore kya NSSF; ahagati y’ekitongore eky’emirimo n’ekikura ky’abantu hamwe n’ekitongore eky’eby’empiiha.

Ahanshonga y’omuntu kutunga sente ze kuruga omu NSSF atakahuumwire, ekiragiro nikigira ngu omuntu oine emyaka 45 nainga obiikire na NSSF kumara emyaka erikuhika 10, nabaasa kwihayo obucweka 20 ahari 100 bw’esente ezi abiikireyo.

Habaire haimukaho enshonga erikugira ngu eishengyero tirishemereire kutaho omuhendo gwa sente ogu omuntu otakahuumwire ashemereire kuba naihayo.

Bamwe omubanyabiragiro babaire batensa ngu okucwamu omuhendo gw’esente ezi omuntu arikubaasa kwihayo atakahuumwire kurekyerwe akakiiko ka NSSF. Kwonka ebi byona tibiikiriziibwe.

Obwa hati ekiragiro kirinzire Purezidenti kukiikiriza kandi akakihamya.

LEAVE A REPLY