Tindikwenda buhuta – Kooki wa Rugby y’ihanga

833
0
SHARE

Johnson Were na Hazel Kaliisa

Empaka za Premier League eza Rugby nizitandika ebiro 06.3.2021 obwo harikutandika n’emizaano 4 ahari Kyadondo, Makerere na Legends

Abaine ekikopo ky’empaka ezi aba Heathens nibataayayisa aba Stanbic Bank Pirates, Buffaloes nibataayayisa aba Rams ahari Kyadondo Rugby Club aba Plascon Mongers nibataayayira Makerere Impis ahari Graveyard Ground kandi bo aha Legends Rugby Club nihaija kuba hariho Warriors barikuzaana na Jinja Hippos reeru omuri Kampala nihaija kuba harimu Rhinos na Kobs.

Obwo barikugyezaho kugyendera ahabiragiro by’ekitongore ky’eby’amagara eby’okwetantara endwara ya COVID19 tihaine muhagizi n’omwe orayikirizibwe kuhika ahamizaano egi obwo abazaani barikworeka eki baineho bwanyima y’okumara omwaka batakagaruka ga kuzaana Ruby

Obwo abatendeki barikugyezaho n’agaabo kureebeka ngu bayoreka omutindo gw’ahaiguru omumpaka ezi, orikutendeka tiimu y’ihanga, Robert Seguya abashabire kureebeka ngu baafa munonga ahamagara g’abazaani kandi bayerinda obuhuta omumizaano.

“Abazaani babaire batari kuzaana kandi nyowe nk’omutendeki tinyineyo matsiko g’okureeba omutindo murungi omumizaano. Mbwenu bashemereire kufa munonga ahakurinda abazaani kwenda batakaagira obuhuta ahamuheru gw’omuzaano,” Seguya nikwo arikugira.

“Omukaire aka, nimpabura abatendeki kufa munonga ahakutereera kw’emibiri y’abazaani, oku bashemereire kuba nibakoresa omupiira hamwe n’amaani gaabo kwenda ngu empaka ezi tuzimare tutaine buhuta,” Seguya nikwo arikwongyeraho atyo.

Omutendeki ow’obukoryo omu kiraabu ya Rugby eya Jinja Hippos nagira ngu empaka ezi zishemereire kukoresibwa kuteekateekyera abazaani omwaka ogurikwija beitu tizishemereire kuba ez’okubahenda.

“Buriijo tutwaire nitumara okwezi kuhikiiriza omuringo gw’enzaana ey’aharurengo rw’ihanga empaka ezi zaaba nizibaho. Mbwenu hati ahabw’okugira ngu abazaani bamazire omwaka gwona barikurya kandi bari omumirimo yaabo endiijo bataine kutendekwa, titushemereire kubagiramu amatsiko maingi munonga.”

LEAVE A REPLY