Bobi Wine yaheebwa ebiro 3 kuhayo obuhame

1464
0
SHARE

Kooti enkira zoona yaayongyera ba puriida b’orikukurira ekibiina ekya NUP Robert Kyagulanyi ebiro by’okurundaana obuhame omu kushaba kwe okw’okushazamu ebyarugire omu karuuru k’obwa purezidenti w’eihanga akaateirwe ebiro 14.01.2021.

Ishe abaramuzi Alphonse Owiny-Dollo omu kushutama kwa kooti eriizooba yaaheereza orubaju oruhababi kuhisya Sunday 14.02.2021 kuba baahaireyo ebihandiiko by’okwikiriza obuhame.

Kooti yaaba eshutamire eriizooba kuhurira emishango egi kuhwera omu kubaragushare.

Beitu oyebembeire ba puriida ba Kyagulanyi, Medard Lubega Sseggona yashaba kooti kubaheereza obwire kurahiza abajurizi agumize ngu bamwe aha bajuurizi baabo baburize amaisho.

Ishe abaramuzi yaahereza ba kihoza abarimu Purezidenti Yoweri Museveni, akakiiko k’eby’oburuuru hamwe n’omutonganirizi wa gavumenti kuhisya Orwamukaaga 20.02.2021 kuhayo obujurizi bwabo kandi orubaju orwa Kyagulanyi kuhisya Orwokubanza 23.02.2021 kuhayo obujurizi bwabo.

LEAVE A REPLY