Abanyamizaano nibenda oburingaaniza omukutunga sente za gav’t

1108
0
SHARE

Silvano Kibuuka na Hazel Kaliisa

Ebibiina ebirikutegyeka eby’emizaano, n’ekigyendererwa ky’okubaganisa sente za gavumenti omuburingaaniza ahi orikushomear ebi barugireho baabugana omugambirizi mukuru ow’ishengyero, Rebecca Kadaga kandi baahayo n’okushaba kwabo ahanshonga y’embaganisa ya sente za gavumenti ey’oburingaaniza orw’okubanza ebiro 8 okwezi oku.

Kandi barugirey baine akamwenyo ahamatama bwanyima y’okuhika omu ofiisi empango obwo bariugyezaho kugaruza omwisyo omuby’emizaano omu ihanga na munonga ahakucumbagira okuri omubuhwezi oburikuheebwa eby’emizaano ahi barikugira ngu ebibiina bikye nibyo bireebirwe nk’ebiine omugasho gw’amaani kukira ebindi kandi ebingi

Okukora kubi kwa tiimu y’ihanga okureebirweho omumpaka za CHAN omu ihanga rya Cameroo ebaire eri enshonga mpango bwanyima y’ekibiina ekirikukurira eby’omupiira omu ihanga kushaba sente zirikwingana akahumbi kamwe k’emizaano y’omukago n’amahanga agandi hamwe n’okukambiika omuri Dubai batakagiire mumpaka

Abajwekyerwa kuruga omubibiina ebi ebyayegaitiire ahansi y’ekibiina ekirikwetwa Union of Uganda Sports Federations  bahaireyo okwetomboitwa kwabo ow’omugambirizi mukuru w’ishengyero obwo barikworeka ebigyendererwa byabo 5 eby’amaani  ebirimu n’okuhindura omukiragiro ky’eby’emizaano y’ihanga ekyakozirwe omugwa 1964 eki  barikugira ngu tikyakikora omumurembe ogu kandi tikirikuhwera omukutaho embeera nungi y’okubaganiramu sente ezirikuheebwa gavumenti kutunguura eby’emizaano.

Enshonga endiijo ey’omugasho n’ey’okuha eminyeto omu ihanga omugisha nabo kwejumbira omumizaano bakarekyera aho okuba embura mukoro, okuha emigasho mingi eby’emizaano oyihireho eky’okureetaho obusingye hamwe n’okushemeza abantu hamwe na gavumenti kwongyera ahambariirira ya sente z’eby’emizaano kucungura eihanga omumbeera ei ririmu ei barikugira ngu ni nkye munonga kukira ebintu ebi gavumenti erikuha obuhwezi


Omuhandiiki mukuru w’ekibiina eki, Robert Jjagwe nagira ngu okushaba oku kubaire okw’obusinguzi okurugiirira ahaku omugambirizi w’ishengyero abagarukiremu.

“Ashangire ebintu bingi ebimutangaarize kandi agizire ngu enshonga egi nayija kugyanjurira abanya-ishengyero kutandika na wiiki egi. Ashagikire okwegaita kw’ebibiina ebi ngu ahabw’okuba atwire nareeba abantu buntu barikuza omu ishengyero ahabw’enshonga nizo zimwe baitu babaganiisemu nk’ab’omupiira gw’ebigyere, abairuki, ab’omupiira gw’engaro n’abandi. Ayongyeire yaatuteera omuhimbo kujoora eriisho kandi yaagaruka yaagira ngu nihetaagaho n’ekiragiro kya ba memba abatari ba gavumenti baaba nibagyezaho kuhindura omukiragiro ekyakozirwe omugwa 1964,” Jjagwe nikwo agizire.

Ba memba b’ekibiina babandize baahajaanaho na minisita w’eby’emizaano, Hamson Obua wiiki ehweire kandi nikwo kubendeza kurungi ahabw’okwenegyeza entunguuka y’eby’emizaano obwo barikwegaita n’ebindi bitogore bya gavumenti nka  NCS, UOC hamwe n’ekitonogre ky’eby’obwegyese n’emizaano.

Ekibiina eki kikatandikwaho omwaka oguhwaire ebiro 19 by’okwa ikumi n’abiri bwanyima y’okwetomboitwa okuriho okukwatiraine nengabanisa y’esente za gavumenti obwo barikuha omupiira gw’ebigyere sente nyingi munonga ezirikuhka omubusiriira 10 obwo emizaano endiijo etarikuteekateekwaho.
Ebibiina 42 omubibiina 53 ebirikumanywa akakiiko k’eby’emizaano ah’ihanga nabyo biri omukibiina eki eky’abeeteeraine ekirikukurira orikwebembera eky’abateezi b’ebikonde, Moses Muhangi.

Ba memba kuruga omukibiina eky’abemigyere n’entomi, table tennis, ekibango, chess, emotoka n’epiki, hockey, squash, netball, kabaadi hamwe n’ab’ebikonde boona bajwekyeirwe omu ishengyero

LEAVE A REPLY