Okila nayenda aka UVF kateerwe busya

1154
0
SHARE



N’ebya Charles Lwanga na Hazel Kaliisa

Obaire ayesimbire kandi owasingirwe oburuuru bw’okutoorana mukuru w’ekibiina ekirikwebera omuzaano gw’engaro ogwa Volley Ball omu ihanga obwabeire aha sande ebiro 30.01.2021, Eddie Okila ateireyo okutabaaza kwe omukakiiko k’eby’emizaano ak’eihanga kandi arikwenda ku ebyarugire omuburuuru obwateereirwe ahakishaayi kya Hockkey ekya Lugogo, bishazibwamu.

Okila akaba owakabiri omuburuuru bwanyima y’okwihayo oburuuru 28 nikwo kusingwa Saddik Nasiwu owasingire n’oburuuru 226 nikwo kuremwa kutwara entebe y’obwa mukuru w’ekibiina eki omurundi gwa kashatu.

Omukutabaaza okwakozirwe ebiro 01.02.2021 okuteirweho omukono gwa Okila hamwe na Hassan Sekajolo owasingirwe ahakaruuru k’okutoorana omuhandiiki mukuru w’ekibiina eki nibagyeza kworeka enshobi na bimwe omubintu ebitarashororongire kurungi omubuuru obwateirwe

Ababiri aba nibagira ngu orukarara rw’abajwekyerwa b’abateezi b’akaruuru rukaba rutahikire bagumize ngu abaingi bakaba batari bajwekyera abari bo nari abazaani ba Volleyball ekirikumanyisa ngu bakaba bataine murimo gwona omubintu by’oburuuru bwa Volley Ball.

Ebiro 2, omuhandiiki mukuru w’akakiiko k’eby’emizaano, Patrick Ogwel, ahamize ku atungire okutabaaza okwo.

Okutabaaza okwo twongyeire twaakwoherereza abanyabiragiro baitu beitu tugarukire twashaba ba kitabaaza ku bareeta obuhame bw’enshobi ezi barikugira ngu zikaba ziri omukaruuru,” Ogwel nikwo arikugira.

Ripoota z’eby’esente, abarikurangirira eby’oburuuru hamwe n’ababaire baine kuteera oburuuru nabyo nibiija kuhweraho.

Akakiiko k’eby’emizaano omu ihanga nibaheebwa obushoborozi bw’engyenderwaho kushazamu akaruuru akarikuba kaheriza kuteerwa bwanyima y’okutunga obuhame oburikworeka ku engyenderwaho z’okuteera akaruuru zitarakurateirwe

“Twine obushoborozi bwona kutaaha omukaruuru tukacwa omushango beitu obwo twatunga obuhame bwanyima ya byona ebirikugambwa ahakaruuru aka kureetwa omubanyabiragiro baitu,” Ogwel nikwo arikugira

Okila oraganeise kubitamu abanyamateeka ahabw’okuteera oburuuru butaine muhoho okumara emyaka 10.

LEAVE A REPLY