Tindyebwa eizooba eri ntongoza ekyeshongoro kyangye ky’okubanza – RobRoss

580
0
SHARE

Cynthia Kamusiime

Turyatemba Johnson nigo maziina gye g’obuzaarwa, omutsigazi ogu nazaarwa Kyamuhunga Bushenyi, Igara West beitu obwa hati nakorera Rubirizi kandi atuura omururembo Mbarara.

Abantu abaingi omuri burugwa-izooba nibamumanya nka RobRoss.

Omutsigazi ogu naagira ngu kwiha atandika kweshongora, taryebwa eizooba eri aba natongoza akatambi kye k’okubanza aka “Omushura Nkwanzi” ebiro 11.09.2018.
Naagira ngu rikaba riri eizooba rirungi kandi ribi.

“Ebiiro 11.09.2018 obu mba nintongoza akatambi ka Omushura Nkwanzi, rikambeera rirungi ahabw’okuba nkatunga abantu 1000 konka ryashuba ryambeera ribi kuba munywani wangye wahamara orikumanywa nka Kachaina akagwa na motooka arikwija kukora ahakiivuru ekyo,” Robross nikwo arikugira.

Rukundo y’okweshongora ekatandikira omu purayimare etyo yagumizamu kwonka ekyeshongoro kye ky’okubanza ekya ‘Kabeigarire’ akakishohoza omugwa 2016.

RobRoss okutandika kwe kukaba kutanguhi ahabw’okuba, naagira ngu, obusente bwe obu yaabaire abiikire bwona bukamuhwaho.
Beitu ku yaamazire kumanyira sente zaguma niziija mpora mpora kuba hati nayehisyaho eki arikwenda kandi akaija yamanywa.

“Nimbaasa kushashura ebishare by’ishomero ebya barumuna bangye, nyehisyeho n’ebindi kandi nkatunga n’enkwatagana n’abantu abahango omu Uganda,” RobRoss nikwe yagamba.

Ahabikwatiraine n’embeera ya #COVID19, yagiira ngu we temutwariize gye, beitu n’okuguma ahabw’okuba embeera eri hoona.
“#COVID19 erimu n’entwara ahabw’okuba titurikukora nka buriijo beitu n’okuguma ahabw’okuba eri hoona”

Ebyeshongoro bya Allan Toniks nibyo byareeteire RobRoss okuba omweshongozi.

RobRoss arimu n’akora n’amaani kureeba ngu yaba omwe ahabeshongozi b’orunyakore ab’amaani omu myaka 5 omumaisho. Kandi aine n’enteekateeka z’okugira ah’okweshongorera aheeye mukama yaba amugiriire embabazi.

Nashaba abahagizi be boona kuguma nibahagira ebyeshongoro by’orunyankore kandi bakabishaba aha ma rediyo na za TV.

Ahabatsigazi abarikuba nibetenga okutandika kweshongora, naagira ngu abakirimu nibashoma babanze baheze reeru bakore sente ahabw’okuba okutandika nikwetaaga sente.

LEAVE A REPLY