Ku nakozire sente omubwa Purodyusa eby’okweshongora naabirugaho – Bruno

572
0
SHARE


Cynthia Kamusiime

Orikukora ahabyeshongoro na munonga omuri Burengyerwa-izooba, Mushabe Bruno orikumanywa nka Bruno Beats/Bruno M Pro yahabura abatsigazi okubanza baamanya omuntu ou barikwenda batakashweire.

Naagira ngu eki, nikiija kubahweraho okusherura abakundwa abu barikwenda .

Bruno natuura omuri Mbarara beitu obukomoko bwe ni Bushenyi. Akatandika okukora omurimo gwe 2013 omu rurembo Mbarara.

Enshumi nkye ehwaire, Bruno akashaba omweshongozi Best Emily ku amwikiriza kuza nawe omubushwere kandi yamujweka n’empeta y’okworeka ngu n’owe omubutongore.

Ahabw’okukira kukora ahabyeshongoro ebitakwatiraine n’ediini abantu baingi babaire nibeebuza ngu Bruno we akakikora ata okushaba omweshongozi w’ebyediini kuza nawe omubushwere, haza we naagira ati;

“Tubaire turi hamwe omwaka 1 n’ekicweka enyima, kandi tikirangumiire mazima. ninteekateeka tukekunda twembi twahendera tukundaniire kimwe,” Bruno Beats.

COVID19 temuteganise ky’amaani ahabw’okuba emirimo ye ekagumizamu omumaisho; abeshongozi bakagumizamu nibeshongora.

Bruno naagira ngu akaza omuy’okushohoza ebyeshongoro arikwenda ngu atungiremu omuhanda gw’okweshongora ahabw’okuba nikyo yaabaire nayenda, beitu ku yaareebire arikukora sente, eby’okweshongora yabirugaho.

Kwiha atandika kukora, ayekoreire ebintu bingi ebi atabaasa kubaganaho naitwe.

“Byoona ebintu ebi nyine mbiihire omumurimo gwangye ogu. Kwonka tinkabaasa kubigamba ahabw’eshonga zitari zimwe na zimwe,” nikwo arikugira.

Beitu nayongyera agira ngu, okutandika kukaba kutanguhi, kwonka akakiha obwire atyo mpola mpola yareeba yaaba gye abeshongozi baamumanya.

“Waba notandika obumwe nokorera na busha ngu obundi okaamanywa”

LEAVE A REPLY